"ހެޕިނަސް ލައުންޖް" އިން ޒުވާނުންނަށް ހާއްސަކޮށްގެންދޭ ހިލޭ ކައުންސިލިންގ ހިދުމަތަކީ ޒުވާނުންގެ ނަފްސާނީ ދުޅަހެޔޮކަން އިތުރުކުރުމަށާއި، ދިރިއުޅުމުގައި ދިމާވާ އެކި ގޮންޖެހުންތަކުން އަރައިގަތުމަށް އެހީތެރިވުމުގެ މަގުސަދުގައި ފަށާފައިވާ ހިދުމަތެކެވެ.

މި ހިދުމަތްތައް ކުރިއަށްދާނީ ކޮންމެ ދުވަހެއްގެ ހެނދުނު 8:00 އިން މެންދުރުފަހު 2:00 އަށް ޔޫތު ހަބްގައެވެ.

ހެޕިނަސް ލައުންޖުން ދޭ ހިދުމަތްތަކުގެ ތެރޭގައި ހިމެނެނީ:

ހެޕިނަސް ލައުންޖުން ކައުންސިލިންގގެ ހިދުމަތް ހޯދުމަށް އެދޭ ޒުވާނުންނަށް، އެ ތަނަށް ހާޒިރުވެގެން އެޕޮއިންޓްމަންޓް ހެއްދުމުގެ ފުރުސަތު ވަނީ ހުޅުވާލެވިފައެވެ. މީގެ އިތުރުން، 4000505 ނަންބަރަށް ގުޅައިގެންވެސް އެޕޮއިންޓްމަންޓް ބުކް ކުރެވޭނެ ކަމަށް އެ މަރުކަޒުން މައުލޫމާތު ދެއެވެ.

"ހެޕިނަސް ލައުންޖް" އިން ޒުވާނުންނަށް ހިލޭ ކައުންސިލިންގ ހޯދުމުގެ ފުރުސަތު!

ޒުވާނުންގެ ހުނަރު ކުރިއެރުވުމަށް ކުރަމުންދާ މަސައްކަތްތަކުގެ ތެރެއިން، ނާށި ބޭނުންކޮށްގެން އަތްތެރި މަސައްކަތްތައް ދަސްކޮށްދޭ ޚާއްސަ ވޯކްޝޮޕް ކާމިޔާބުކަމާއެކު ނިންމާލައިފިއެވެ.

މި ވޯކްޝޮޕްގައި 30 ޒުވާނުން ބައިވެރިވެފައިވާއިރު މި ވޯކްޝޮޕް ކުރިއަށްގެންގޮސްފައިވަނީ ޔޫތު ހަބްގެ ޓްރެއިނިންގ ރޫމްގައެވެ.

މި ވޯކްޝޮޕް ފުރިހަމަކުރި ބައިވެރިންނަށް ވަނީ ސެޓްފިކެޓް ހަވާލުކޮށްފައެވެ.

މި ވޯކްޝޮޕަކީ އުމުރުން 18 އަހަރާއި 35 އަހަރާ ދެމެދުގެ ޒުވާނުންނަށް އަމާޒުކޮށްގެން ހިންގި ޕްރޮގްރާމެކެވެ.

މި ވޯކްޝޮޕްގައި ކާށިކުނބު ބޭނުންކޮށްގެން ތަފާތު ސަގާފީ އަދި ޒަމާނީ ތަކެތި ފަރުމާކޮށް ތައްޔާރުކުރާނެ ގޮތްތައް ވަނީ ދަސްކޮށްދީފައެވެ.

މި ވޯކްޝޮޕަކީ އެއްވެސް ފީއަކާ ނުލައި ހިލޭ ހިންގި ހަރަކާތެކެވެ.

ނާށި ބޭނުންކޮށްގެން އަތްތެރި މަސައްކަތްތައް ދަސްކޮށްދޭ ވޯކްޝޮޕެއް މިއަހަރުގެ ޖެނުއަރީ މަހުވެސް ވަނީ ބާއްވާފައެވެ. މި ވޯކްޝޮޕްގައި ޖުމްލަ 15 ޒުވާނުން ބައިވެރިވެފައިވާއިރު މި ވޯކްޝޮޕް ފުރިހަމަކުރި ބައިވެރިންނަށް ވެސް ވަނީ ސެޓްފިކެޓް ހަވާލުކޮށްފައެވެ.

ނާށި ބޭނުންކޮށްގެން އަތްތެރި މަސައްކަތްތައް ދަސްކޮށްދޭ ވޯކްޝޮޕް ކާމިޔާބުކަމާއެކު ނިންމާލައިފި

ޒުވާނުންގެ ހުނަރު ކުރިއެރުވުމަށް ކުރަމުންދާ މަސައްކަތްތަކުގެ ތެރެއިން، ނާށި ބޭނުންކޮށްގެން އަތްތެރި މަސައްކަތްތައް ދަސްކޮށްދޭ ޚާއްސަ ވޯކްޝޮޕް ފަށައިގެން ކުރިއަށް އެބަދެއެވެ.

މި ވޯކްޝޮޕްގައި 32 ޒުވާނުން ބައިވެރިވެފައިވާއިރު މި ވޯކްޝޮޕް ކުރިއަށްގެންގޮސްފައިވަނީ ޔޫތު ހަބްގެ ޓްރެއިނިންގ ރޫމްގައެވެ.

އިއްޔެ ފެށި މި ވޯކްޝޮޕް ކުރިއަށް ގެންދިއުމަށް ހަމަޖެހިފައިވަނީ 23 ވަނަ ދުވަހުގެ ނިޔަލަށެވެ.

ކޮންމެ ދުވަހެއްގެވެސް ރޭގަނޑު 20:00 އިން 23:00 އަށް ކުރިއަށްދާ މި ވޯކްޝޮޕަކީ އެއްވެސް ފީއަކާ ނުލައި ހިލޭ ބައިވެރިވެވޭނެ ހަރަކާތެކެވެ.

މި ވޯކްޝޮޕްގައި ކާށިކުނބު ބޭނުންކޮށްގެން ތަފާތު ސަގާފީ އަދި ޒަމާނީ ތަކެތި ފަރުމާކޮށް ތައްޔާރުކުރާނެ ގޮތްތައް ދަސްކޮށްދިނުމަށް ވަނީ ހަމަޖެހިފައެވެ.

ނާށި ބޭނުންކޮށްގެން އަތްތެރި މަސައްކަތްތައް ދަސްކޮށްދޭ ވޯކްޝޮޕެއް މިއަހަރުގެ ޖެނުއަރީ މަހުވެސް ވަނީ ބާއްވާފައެވެ. މި ވޯކްޝޮޕްގައި ޖުމްލަ 15 ޒުވާނުން ބައިވެރިވެފައިވާއިރު މި ވޯކްޝޮޕް ފުރިހަމަކުރި ބައިވެރިންނަށް ވަނީ ސެޓްފިކެޓް ހަވާލުކޮށްފައެވެ.

ނާށި ބޭނުންކޮށްގެން އަތްތެރި މަސައްކަތްތައް ދަސްކޮށްދޭ ވޯކްޝޮޕެއް ފަށައިގެން ކުރިއަށް!

މުޅިން އަލަށް ވަޒީފާގެ މާޙައުލަށް ނުކުންނަ ފަރާތްތަކަށް ހާއްސަކޮށްގެން ޔޫތު މިނިސްޓްރީން އިންތިޒާމްކޮށްގެން "ސްކިލްއަޕް ޔޫތު"(ކުރިން "ތައްޔާރުވަމާ" ގެ ނަމުގައި ހިންގުނު)ވޯކްޝޮޕް ކާމިޔާބުކަމާއެކު ނިންމާލައިފިއެވެ.

އެއްދުވަހުގެ މުއްދަތަށް ކުރިއަށްގެންދިޔަ މިވޯކްޝޮޕް ނިންމި 45 ޒުވާނުންނަށް ވަނީ ސެޓްފިކެޓް ހަވާލުކޮށްފައެވެ.

މި ވޯކްޝޮޕް ބާއްވާފައިވަނީ އިއްޔެ ހެނދުނު 08:30 އިން 17:30އަށެވެ.

ޒުވާނުން ވަޒީފާގެ މައިދާނަށް ތައްޔާރުކުރުމަށްޓަކައި ކުރިއަށްގެންދާ މިޕްރޮގްރާމަކީ އުމުރުން 16-35 އަހަރާ ދެމެދުގެ އުމުރު ފުރާއަށް ކުރިއަށްގެންދާ ޕްރޮގްރާމެކެވެ.

މި ވޯކްޝޮޕް ބޭއްވުމަށް ހަމަޖެހިފައިވަނީ ޔޫތު ހަބުގައެވެ.

45 ބައިވެރިންނާއެކު "ސްކިލްއަޕް ޔޫތު" ވޯކްޝޮޕް ކާމިޔާބު ކަމާއެކު ނިންމާލައިފި!

ޒުވާނުންގެ ހުނަރު ކުރިއެރުވުމަށް ކުރަމުންދާ މަސައްކަތްތަކުގެ ތެރެއިން، ނާށި ބޭނުންކޮށްގެން އަތްތެރި މަސައްކަތްތައް ދަސްކޮށްދޭ ޚާއްސަ ވޯކްޝޮޕްގައި ބައިވެރިވުމުގެ ފުރުސަތު ހުޅުވާލައިފިއެވެ.

ޔޫތު ހަބްގެ ޓްރެއިނިންގ ރޫމްގައި ކުރިއަށްދާ މި ވޯކްޝޮޕަކީ އުމުރުން 18 އަހަރާއި 35 އަހަރާ ދެމެދުގެ ޒުވާނުންނަށް އަމާޒުކޮށްގެން ހިންގާ ޕްރޮގްރާމެކެވެ.

މި ވޯކްޝޮޕްގައި ކާށިކުނބު ބޭނުންކޮށްގެން ތަފާތު ސަގާފީ އަދި ޒަމާނީ ތަކެތި ފަރުމާކޮށް ތައްޔާރުކުރާނެ ގޮތްތައް ދަސްކޮށްދެވޭނެއެވެ.

މި ޕްރޮގްރާމް ކުރިއަށް ގެންދިއުމަށް ހަމަޖެހިފައިވަނީ މި ހިނގާ މަހުގެ 19 އިން 23 ވަނަ ދުވަހުއެވެ.

މި ވޯކްޝޮޕްގައި ބައިވެރިވުމަށް އެދޭ ފަރާތްތަކަށް މިހާރު ވަނީ ރަޖިސްޓްރީވުމުގެ ފުރުސަތު ހުޅުވާލެވިފައެވެ. ނަމަވެސް މި ޕްރޮގްރާމަށް ކަނޑައެޅިފައިވަނީ ވަކި މިންވަރެއްގެ ޖާގަ ކަމަށްވާތީ، ވީހާވެސް އަވަހަކަށް ރަޖިސްޓްރީވުމަށް އިންތިޒާމުކުރާ ފަރާތުން އެދެއެވެ.

ބައިވެރިވުމަށް އެދޭ ފަރާތްތަކަށް ރަޖިސްޓްރީ ކުރެވޭނީ ތިރީގައިވާ ލިންކު މެދުވެރިކޮށް ނުވަތަ އެކަމަށް ހާއްސަކޮށްފައިވާ ކިއުއާރް ކޯޑު ބޭނުންކޮށްގެންނެވެ.

https://forms.cloud.microsoft/pages/responsepage.aspx?id=XfitLm8wK0KPqcP_jOKCIotosvukFm9Ov9sbnhUohAtUQ1dHUVVaNVFBWEUwR09DQTM3OURKTktSSi4u&route=shorturl

ނާށި ބޭނުންކޮށްގެން އަތްތެރި މަސައްކަތްތައް ދަސްކޮށްދޭ ވޯކްޝޮޕްގައި ބައިވެރިވާން ހުޅުވާލައިފި!

ޒުވާނުންނަށް ހާއްސަކޮށްގެން ކުރިއަށްގެންދާ "ޔޫތު ވޮލަންޓިއަރ ޕްރޮގްރާމް" ގައި ބައިވެރިވުމުގެ ފުރުސަތު  ހުޅުވާލައިފިއެވެ.

މި ޕްރޮގްރާމްގައި ބައިވެރިވެވޭނީ އުމުރުން 18 އަހަރާއި 35 އަހަރާ ދެމެދުގެ ޒުވާނުންނަށެވެ. މި ޕްރޮގްރާމްގައި ބައިވެރިވުމަށް ޝައުގުވެރިވާ ޒުވާނުން، ދީފައިވާ ކިއުއާރް ކޯޑް  ސްކޭން ކޮށްގެން ރަޖިސްޓްރީ ކުރެވޭނެއެވެ.

ޕްރޮގްރާމްގެ ތެރެއިން ލިބޭނެ ފުރުސަތުތައް:

މި ޕްރޮގްރާމްގެ ބައިވެރިންނަށް ރާއްޖެއާއި ރާއްޖޭއިން ބޭރުގައި ބޭއްވޭ ތަފާތު ތަމްރީނު ސެމިނާރުތަކާއި ވޯކްޝޮޕްތަކުގައި ބައިވެރިވުމުގެ ފުރުސަތު ލިބިގެންދާނެއެވެ. އަދި ކަންކަމަށް ކުރިމަތިލާން ކެރޭ، ހަރުދަނާ ޒުވާން ޖީލެއް ބިނާކުރުމަށް މި ޕްރޮގްރާމްގެ ތެރެއިން ބާރުއެޅޭނެއެވެ.

މީގެ އިތުރުން ޒުވާނުންނާ ގުޅުންހުރި އެކި ހަރަކާތްތަކާއި މަޝްރޫއުތައް އިސްވެ ހިންގުމުގެ ގާބިލުކަން ޒުވާނުންގެ ކިބައިގައި އުފެއްދިގެންދާނެއެވެ.

މި ޕްރޮގުރާމާ ބެހޭ އިތުރު މައުލޫމާތު 4000416 ނުވަތަ 4000567 މި ނަމްބަރަށް ގުޅާލުމުން ލިބިގެންދާނެއެވެ.

ޔޫތު ވޮލިންޓިއާ ޕްރޮގުރާމެއް ބާއްވަނީ

މުޅިން އަލަށް ވަޒީފާގެ މާޙައުލަށް ނުކުންނަ ފަރާތްތަކަށް ހާއްސަކޮށްގެން ޔޫތު މިނިސްޓްރީން އިންތިޒާމްކޮށްގެން "ސްކިލްއަޕް ޔޫތު"(ކުރިން "ތައްޔާރުވަމާ" ގެ ނަމުގައި ހިންގުނު)ވޯކްޝޮޕް މިމަހު 11ގައި ބާއްވަން ނިންމައިފިއެވެ.

އެއް ދުވަހުގެ މުއްދަތަށް ކުރިއަށްގެންދާ މި ވޯކްޝޮޕް ބޭއްވުމަށް ހަމަޖެހިފައިވަނީ 11ވަނަ ދުވަހުގެ ހެނދުނު 08:30 އިން 17:30އަށެވެ.

ޒުވާނުން ވަޒީފާގެ މައިދާނަށް ތައްޔާރުކުރުމަށްޓަކައި ކުރިއަށްގެންދާ މި ޕްރޮގްރާމަކީ އުމުރުން 16-35 އަހަރާ ދެމެދުގެ އުމުރުފުރާއަށް ކުރިއަށް ގެންދާ ޕްރޮގްރާމެކެވެ.

މި ވޯކްޝޮޕްގައި ބައިވެރިވުމަށް ޝައުގުވެރިވާ ފަރާތްތަކުން މިއަދުގެ 14:00ގެ ކުރިން ކިޔު.އާރު. ކޯޑު ސްކޭންކޮށްގެން ބައިވެރިވެވޭނެއެވެ.

ވަޒީފާއަށް އަހުލުވެރިވުމަށްޓަކައި ކުރިއަށްގެންދާ "ސްކިލްއަޕް ޔޫތު" ވޯކްޝޮޕް މިމަހު 11ގައި!

ޔޫތު މިނިސްޓްރީ އަދި އުރީދޫ މޯލްޑިވްސްއާ ގުޅިގެން ރާއްޖޭގެ ގޭމަރުންނަށް ހާއްސަކޮށް މި ރަމަޟާން މަހު ބާއްވާ "ރަމަޟާން އީސްޕޯޓްސް ފެސްޓިވަލް 2026" ފަށައިގެން ކުރިއަށް އެބަދެއެވެ. 

ޔޫތު ހަބުގައި ރޭ މި ފެސްޓިވަލް ފަށާފައިވާއިރު މިރޭ މި ފެސްޓިވަލް ނިމިގެންދާނެއެވެ. 

މި ފެސްޓިވަލް ކުރިއަށްދާނީ  ރޭގަނޑު 21:30 އިން 00:00 އަށެވެ.

މި ފެސްޓިވަލްގައި އޮންލައިން އަދި އޮފްލައިން ގޭމިންގ މުބާރާތްތައް ބާއްވާއިރު މީގެ ތެރޭގައި ޕަބްޖީ، އީއޭއެފްސީ، އެމްއެލްބީބީ އަދި ޓެކެން ހިމެނެއެވެ.

ކޮންމެ ގޭމެއްގެ 1 ވަނައަށް އަންނަ ފަރާތަށް 5000 ރުފިޔާގެ ފައިސާގެ އިނާމެއް ލިބޭނެއެވެ. ދެވަނައަށް 3000 ރުފިޔާ ލިބިގެންދާއިރު ތިންވަނައަށް އަންނަ 2000 ރުފިޔާ ދިނުމަށް ވަނީ ހަމަޖެހިފައެވެ.

"ރަމަޟާން އީސްޕޯޓްސް ފެސްޓިވަލް 2026" ފަށައިގެން ކުރިއަށް!

ޔޫތު މިނިސްޓްރީ އަދި އުރީދޫ މޯލްޑިވްސްއާ ގުޅިގެން ރާއްޖޭގެ ގޭމަރުންނަށް ހާއްސަކޮށް މި ރަމަޟާން މަހު "ރަމަޟާން އީސްޕޯޓްސް ފެސްޓިވަލް 2026" ބޭއްވުމަށް ތައްޔާރުވެއްޖެއެވެ.

މި ފެސްޓިވަލްގައި އޮންލައިން އަދި އޮފްލައިން ގޭމިންގ މުބާރާތްތައް ބޭއްވުމަށް ވަނީ ހަމަޖެހިފައެވެ. މީގެ ތެރޭގައި ޕަބްޖީ، އީއޭއެފްސީ، އެމްއެލްބީބީ އަދި ޓެކެން ހިމެނެއެވެ.

މި މުބާރާތްތައް ބޭއްވުމަށް ހަމަޖެހިފައިވަނީ މި މަހު 27 އިން 28 ގައި ޔޫތު ހަބުގައެވެ.

"ރަމަޟާން އީސްޕޯޓްސް ފެސްޓިވަލް 2026" މާދަމާ ފަށާނެ!

މިއަހަރުގެ ބަރަކާތްތެރި ރަމަޟާން މަހާ ގުޅުވައިގެން ކުރިއަށްގެންދާ ޚާއްޞަ އޮންލައިން ކުއިޒެއްގައި ބައިވެރިވެ، އަގުހުރި ހަދިޔާ (ގިފްޓް ބާސްކެޓް) ހޯދުމުގެ ފުރުޞަތު މިއަދު ހުޅުވާލައިފިއެވެ. 

މި ކުއިޒަކީ ރަމަޟާން މަހުގެ މުނާސަބަތުގައި އާންމުންގެ މެދުގައި ދީނީ އަދި އާންމު މަޢުލޫމާތު މުއްސަނދިކުރުމުގެ މަޤްޞަދުގައި ކުރިއަށްގެންދާ ހަރަކާތެކެވެ.   

މި ކުއިޒްގައި ބައިވެރިވުމަށް ޝައުޤުވެރިވާ ފަރާތްތަކުން ތިރީގައިވާ ލިންކު މެދުވެރިކޮށް ސުވާލުތަކަށް ޖަވާބު ދެވޭނެއެވެ. 

https://docs.google.com/forms/d/e/1FAIpQLSfpYUPybE239QbLWMaZXfKTPNW48sVMocCHZjm047FpFoDD9g/viewform

މި ކުއިޒްގައި ބައިވެރިވުމުގެ އެންމެ ފަހު ވަގުތަކީ އަންނަ މަހުގެ 19 ވާ އަންގާރަ ދުވަހެވެ. 

ޚަބަރުތައް

މިނިސްޓްރީގެ އެންމެ ފަހުގެ ޚަބަރުތައް