މިނިސްޓްރީ އޮފް ޔޫތު އެމްޕަވާމަންޓް، އިންފޮމޭޝަން އެންޑް އާރޓްސްއިން " ބެލެނިވެރިންގެ ހޮޅުއަށި"ގެ ނަމުގައި ހާއްސަ ސެޝަނެއް މިރޭ ބޭއްވުމަށް ނިންމައިފިއެވެ.

މި ސެޝަންގައި ގޭމިންގެ ނުރައްކާތަކާއި، ސޯޝަލް މީޑިއާގެ ނުރައްކާތަކާއި، ސައިބާ ކްރައިމްތަކާއި، އަދި އެތައް ކަމަކާ ގުޅިގެން އޮންލައިންކޮށް ދަރިފުޅު ރައްކާތެރިކުރަން ދަސްކޮށްކޮށްދިނުމަށް ބެލެނިވެރިންނަށް މައުލޫމާތު ދޭނެއެވެ.

މި ސެޝަން ކުރިއަށް ގެންދިއުމަށް ހަމަޖެހިފައިވަނީ މިރޭ 20:30 އިން 22:30 އަށް ސޯޝަލް ސެންޓަރުގައެވެ.

"ބެލެނިވެރިންގެ ހޮޅުއަށި"އަކީ ބެލެނިވެރިންނަށް މުހިންމު ތަފާތު މައުޟޫއުތަކާ ބެހޭގޮތުން މަޝްވަރާކުރުމުގެ މަގްސަދުގައި ބާއްވާ ސެޝަންތަކެކެވެ.

"ބެލެނިވެރިންގެ ހޮޅުއަށި" މިރޭ!

މަޝްހޫރު މުސައްނިފު މުހައްމަދު ޔޫސުފު، އޭނާގެ ފަސްވަނަ އެޑިޝަންގެ ހިސާބު ފޮތްތަކުގެ ކޮޕީތަކެއް ނެޝަނަލް ލައިބްރަރީ އޮފް މޯލްޑިވްސްއަށް ހަދިޔާކުރައްވައިފިއެވެ.

މި ފޮތްތައް ހަދިޔާކުރައްވާފައިވަނީ ނެޝަނަލް ލައިބްރަރީގައި އިއްޔެ ބޭއްވި ހާއްސަ ރަސްމިއްޔާތެއްގަ އެވެ. މި ފޮތްތައް ހަދިޔާ ކުރުމާ ގުޅިގެން ނެޝަނަލް ލައިބްރަރީން ވަނީ މުޙައްމަދު ޔޫސުފަށް ޝުކުރު އަދާކޮށްފައެވެ.

މުހައްމަދު ޔޫސުފް މަޝްހޫރުވެގެން ދިޔައީ އޭނާ އަމިއްލައަށް އުފެއްދެވި ޕްރޮގްރެސިވް ކްލާހަކުންނެވެ. ޕްރޮގްރެސިވް ކްލާހުގައި ތައުލީމީ ދާއިރާގެ ހިދުމަތް ބިނާވެފައިވަނީ އެކި އެކި ސަނަދު ނަގަން ބޭނުންވާ ކުދިންނަށް ސަނަދު ނަންގަވައިދެއްވުމުގެ މަތިންނެވެ.

މުހައްމަދު ޔޫސުފް އެންމެ ފުރަތަމަ ކިޔަވާދެއްވަން ފެއްޓެވީ ހެންވޭރު ކަޅުހުރާގޭ އަލްމަރްހޫމް މުހައްމަދު ލަތީފް ހިންގެވި އީވްނިންގް ކްލާހުގައި 1966 ވަނަ އަހަރުއެވެ. މީގެ އިތުރުން 1986 ގައި މާދޫގޭ އަލްމަރްހޫމް އަލީ އަހްމަދު ހިންގަވަމުން ގެންދެވި މަދަރުސަތުލް އާލިޔާގެ ހާއްސަ ކްލާސް ކަމަށްވާ ހަވީރު ކްލާސް ނަންގަވައިދެއްވިއެވެ. އަދި 1972 ގައި މިނިސްޓްރީ އޮފް އެޑިއުކޭޝަން ގައި ޕްރޮގްރެސިވް ކްލާސް ރެޖިސްޓަރ ކުރެއްވިއެވެ.

35 އަހަރު ވަންދެން އެ ކްލާސް ހިންގަވާފައިވާއިރު އެ މުއްދަތުގައި 6000 އަށް ވުރެ ގިނަ ކުދިންވަނީ ތައުލީމް ހާސިލްކޮށްދެއްވާފައެވެ.

މުހައްމަދު ޔޫސުފް ލިޔުއްވާފައިވާ ބައެއް ފޮތްތަކުގެ ތެރޭގައި ކަސްރު، ބޭނުންތެރި ހިސާބު، ހިސާބުގެ ތާވަލު، ހޮޅުއަށީގައި އަދި ކަމްޕައުންޑް ރޫލް ހިމެނެއެވެ.

މުސައްނިފު މުހައްމަދު ޔޫސުފު ފޮތްތަކެއް ހަދިޔާކުރައްވައިފި

ޔޫތު މިނިސްޓްރީއާއި މިނިސްޓްރީ އޮފް ސޯޝަލް އެންޑް ފެމިލީ ޑިވެލޮޕްމެންޓް އާ ގުޅިގެން މާލެ އަދި ހުޅުމާލޭގައި ގާއިމްކޮށްފައިވާ އިސްރަށްވެހިންގެ ނާދީގައި، އިސްރަށްވެހިންނަށް އަމާޒުކޮށްގެން ހިންގާނެ ހަރަކާތްތަކާއި ގުޅޭގޮތުން މަޝްވަރާކޮށްފިއެވެ.

މި ބައްދަލުވުމުގައި، އިސްރަށްވެހިންގެ ނަފްސާނީ ދުޅަހެޔޮކަން ތަރައްގީކުރުމަށް މި އަހަރުތެރޭގައި ކުރާނެ ކަންކަމާ ގުޅޭ ގޮތުން ވަނީ މަޝްވަރާ ކޮށްފައެވެ. 

މީގެ އިތުރުން އިސްރަށްވެހިން ޝައުގުވެރިވާނެ ގޮތަކަށް ހަރަކާތްތައް އިންތިޒާމުކުރުމާއި ގުޅޭގޮތުން ވެސް ވަނީ މަޝްވަރާކޮށްފައެވެ.

މާލެ އަދި ހުޅުމާލޭގައި އިސްރަށްވެހިންގެ ނާދީގައި ތަފާތު ހަރަކާތްތައް މިހާރު ވަނީ ހިންގަމުންނެވެ. އެގޮތުން އިސްރަށްވެހިންނަށް އަމާޒުކޮށް މައުލޫމާތު ދިނުމުގެ ސެޝަންތަކެއް ޔޫތު މިނިސްޓްރީގެ ފަރާތުން ދަނީ ހިންގަމުންނެވެ.

އިސްރަށްވެހިންނަށް އަމާޒުކޮށްގެން ހިންގާނެ ހަރަކާތްތަކާއި ގުޅޭގޮތުން މަޝްވަރާކޮށްފި 

މިނިސްޓްރީ އޮފް ޔޫތު އެމްޕަވާމަންޓް، އިންފޮމޭޝަން އެންޑް އާރޓްސްއިން ހިންގާ "ނެޝަނަލް އެޕްރެންޓިސްޝިޕް ޕްރޮގުރާމް"ގެ ދަށުން މެރިއޮޓް އިންޓަނޭޝަނަލްގެ ދެވަނަ ބެޗު ގްރެޖުއޭޓުވެއްޖެއެވެ.

ޝެރަޓަން މޯލްޑިވްސް ފުލްމޫން ރިސޯޓް އެންޑް ސްޕާގައި ބޭއްވި މި ރަސްމިއްޔާތުގައި ގްރެޖުއޭޓުންނަށް ސެޓްފިކެޓް ހަވާލުކޮށްދެއްވީ މިނިސްޓަރ އޮފް ޔޫތު އެމްޕަވާމެންޓް، އިންފޮމޭޝަން އެންޑް އާރޓްސް އިބްރާހިމް ވަހީދެވެ.

ދެވަނަ ބެޗުގައި ޖުމްލަ 32 ބައިވެރިން ވަނީ ގްރެޖުއޭޓްވެފައެވެ.

ތަމްރީނުވި ދާއިރާތައް:

· ޕޭސްޓްރީ އެންޑް ބޭކަރީ

· އިލެކްޓްރިކަލް އިންސްޓްލޭޝަން އެންޑް މެއިންޓެއިންސް

· ފުޑް އެންޑް ބެވަރޭޖް ސާވިސަސް

މިޕްރޮގުރާމް ހިންގާފައިވަނީ:

· ޖޭޑަބްލިއު މެރިއޮޓް މޯލްޑިވްސް

· ލެ މެރިޑިއަން މޯލްޑިވްސް

· ރިޓްސް ކާރްލްޓޮން މޯލްޑިވްސް

· އެސްޓީ. ރެގިސް މޯލްޑިވްސް

· ޑަބްލިއު މޯލްޑިވަސް

· ވެސްޓިން މޯލްޑިވްސް

ނެޝަނަލް އެޕްރެންޓިސްޝިޕް ޕްރޮގުރާމްގެ ދަށުން މެރިއޮޓް އިންޓަނޭޝަނަލްގެ ފުރަތަމަ ބެޗްގެ ބައިވެރިން މިދިޔަ އަހަރުގެ މާރޗް މަހުގެ ތެރޭގައި 43 ޒުވާނުން ގްރެޖުއެޓުވިއިރު އެހުރިހާ ޒުވާނުންނަށް ވަޒީފާ ވަނީ ޔަގީންވެފައެވެ. 

ނެޝަނަލް އެޕްރެންޓިސްޝިޕް ޕްރޮގުރާމަކީ މަސައްކަތުގެ މާހައުލުގައި ތިބެގެން އެ މަސައްކަތުގެ ތަޖުތިބާކާރުންގެ ބެލުމުގެ ދަށުން މަސައްކަތްތައް ދަސްކޮށް، ތަމްރީނާއި ތަޖުރިބާ ހޯދުމުގެ ފުރުސަތު ގައުމީ ފެންވަރުގައި ހުޅުވާލައިގެން ކުރިއަށްގެންދާ ޕްރޮގުރާމެކެވެ.

މިޕްރޮގްރާމްތައް ހިންގާނީ މޯލްޑިވްސް ނެޝަނަލް ސްކިލްސް ޑިވެލޮޕްމެންޓް އޮތޯރިޓީގެ ނެޝަނަލް ސްޓޭންޑަރޑްތަކާ އެއްގޮތަށެވެ.

މި ޕްރޮގުރާމުގެ ބައިވެރިންނަށް މަހުން މަހަށް ދޭ އެލަވަންސާއި ކެއުމާއި ހުރުން ވެސް ހަމަޖެހިގެންދާއިރު ޕްރޮގްރާމް ނިމުމުން ގްރެޖުއޭޓުވާ ފަރާތްތަކަށް އެމްއެންއެސްޑީއޭ އިން ނެޝަނަލް ސެޓްފިކެޓް އެމްއެންކިއުއެފް ލެވެލް 3ގެ ލިބިގެންދާނެއެވެ.

މި ޕްރޮގުރާމުގެ މަގުސަދު ތަކުގެ ތެރޭގައި މަސައްކަތްތެރިކަމުގެ ދާއިރާގެ ތަމްރީނު ހޯދުމަށް ޝައުޤުވެރިވާ ޒުވާނުންނަށް މަސައްކަތްތެރިކަމުގެ ދާއިރާއިން ސަރުކާރު ޤަބޫލުކުރާ ފެންވަރުގެ ތަމްރީނު ހޯދުމުގެ ފުރުޞަތު ފަހިކޮށްދިނުން ހިމެނެއެވެ.

މީގެ އިތުރުން މި ޕްރޮގްރާމް ފުރިހަމަކުރާ ފަރާތްތަކަށް މަސައްކަތްތަކާއި ގުޅޭގޮތުން ނެޝަނަލް ކޮމްޕިޓެންސީ ބޭސްޑް ޓްރެއިނިންގް ސްޓެންޑާރޑް ތަކުގައި ހިމަނާފައިވާ ހުރިހާ ކޮމްޕިޓެންސީއެއް ހާސިލްކުރެވިފައިވޭތޯ ބަލައި، ކަށަވަރުކުރުމަށްފަހު، ތަމްރީން ފުރިހަމަކުރި ކަމުގެ ޤައުމީ ސަނަދު ދޫކުރުން މި ޕްރޮގުރާމުގެ މަގުސަދު ތަކުގެ ތެރޭގައި ހިމެނެއެވެ.

ހަމައެހެންމެ މަސައްކަތްތެރިކަމުގެ ދާއިރާގައި މިހާރު ހަރަކާތްތެރިވާ ބިދޭސީންގެ އަދަދު މަދުކޮށް، އެވަޒީފާތައް އަދާކުރުމަށް އިތުބާރާއިއެކު، މަސައްކަތްކުރެވޭނެ ފެންވަރުގެ ހުނަރުވެރި ދިވެހި ޒުވާން މަސައްކަތްތެރީންތަކެއް ވަޒީފާގެ ބާޒާރަށް ނެރުން ވެސް މި ޕްރޮގްރާމުގެ މަގުސަދުތަކުގެ ތެރޭގައި ހިމެނެއެވެ.

އަދި ތެދުވެރިކަމާއި، ނަޒާހަތްތެރިކަމާއިއެކު އަމިއްލަ މަސައްކަތުން ދިރިއުޅުމުގެ ޚަރަދުބަރަދު ހަމަޖައްސާލެވޭނެ މިންވަރުގެ އާމްދަނީއެއް ހޯދައި، އަބުރުވެރިކަމާއިއެކު ދިރިއުޅެވޭނެމަގު ޒުވާން ދިވެހީންނަށް ފަހިކޮށްދިނުމަކީ ވެސް މިޕްރޮގުރާމުގެ މަގްސަދެކެވެ.

ނެޝަނަލް އެޕްރެންޓިސްޝިޕް ޕްރޮގްރާމްގެ ދަށުން ތަމްރީނުތައް ކުރިޔަށް ދާނީ މައިގަނޑު 6 ދާއިރާއަކަށް ހާއްސަ ކުރެވިގެންނެވެ. އޭގެ ތެރޭގައި ފަތުރުވެރިކަމުގެ ދާއިރާ، ދަތުރުފަތުރުގެ ދާއިރާ، އިމާރާތްކުރުމުގެ ދާއިރާ، އިޖްތިމާއީ ދާއިރާ، މަސްވެރިކަމާއި ދަނޑުވެރިކަމުގެ ދާއިރާ، އަދި އިންފޮމޭޝަން، ކޮމިޔުނިކޭޝަން ޓެކްނޮލޮޖީ ދާއިރާ ހިމެނެއެވެ.

ނެޝަނަލް އެޕްރެންޓިސްޝިޕް ޕްރޮގުރާމްގެ ދަށުން މެރިއޮޓް އިންޓަނޭޝަނަލްގެ ދެވަނަ ބެޗު ގްރެޖުއޭޓްވެއްޖެ

އަމާޒަކީ "ނެޝަނަލް އެޕްރެންޓިސްޝިޕް ޕްރޮގުރާމް " ފަދަ ޕްރޮގްރާމްތައް ރާއްޖޭގެ އެކި ރަށްތަކަށް ފުޅާކޮށް، ޒުވާނުންނާއި ހަމައަށް ވާސިލުވެ ބައިވެރިވުން އިތުރު ކުރުން ކަމަށް ޒުވާނުން ބާރުވެރިކުރުވުމާއި މަޢުލޫމާތާއި ފަންނާބެހޭ ވަޒީރު އިބްރާހިމް ވަހީދު ވިދާޅުވެއްޖެއެވެ.

ވަޒީރު މިހެން ވިދާޅުވީ މެރިއަޓް އިންޓަރނޭޝަނަލް މޯލްޑިވްސް އެޕްރެންޓިސްޝިޕް ޕްރޮގްރާމް ނިންމި ދަސްވެނިންނަށް ސެޓްފިކެޓު ހަވާލުކުރުމަށް ބޭއްވި ރަސްމިއްޔާތުގައި ވާހަކަދައްކަވަމުންނެވެ.

ގްރެޖުއޭތުވި ހުރިހާ ދަރިވަރުންނަށް މަރުހަބާ ދަންނަވަމުން މިނިސްޓަރ ވިދާޅުވީ 32 އެޕްރެންޓިސް ގްރެޖުއޭޓުންގެ ކާމިޔާބީ ފާހަގަކުރައްވާ ކަމަށާއި މި އަދަދު ކުޑަކޮށް ފެނުނު ނަމަވެސް މީގެ އަސަރު ވަރަށް ބޮޑު ކަމަށެވެ.

32" އެޕްރެންޓިސް ގްރެޖުއޭޓުންގެ ކާމިޔާބީ ފާހަގަކުރަން، މި އަދަދު ކުޑަކޮށް ފެނުނަސް - މީގެ އަސަރު ވަރަށް ބޮޑު، މިއީ އަލުން މާނަކުރެވުނު 32 މުސްތަގްބަލް، ބާރުވެރިކުރެވުނު 32 ގޭބީސީ" މިނިސްޓަރ ވިދާޅުވިއެވެ.

ފާއިތުވި 10 މަސް ދުވަހުގެ ތެރޭގައި މި ދަރިވަރުންނަށް އަމަލީ ސެޝަންތަކެއްގެ އިތުރުން ތިއަރީ ސެޝަންތަކެއް ނަގައިދީފައިވާ ކަން ފާހަގަކުރައްވާ މިނިސްޓަރ ވިދާޅުވީ، މިފަދަ ޕްރޮގްރާމްތައް މެދުވެރިކޮށް ދެމެހެއްޓެނިވި މަސައްކަތްތަކުން ނަތީޖާ ނެރެވޭނެ ކަމަށެވެ.

"ތިބާމެން ހޯދާފައިވާ ހުނަރުތަކަކީ ހަމައެކަނި ވަޒީފާ އަދާކުރުމަށް ބޭނުންކުރާ އާލާތްތަކެއް ނޫން، އެއީ ބަދަލު ގެނައުމުގެ ވަސީލަތްތަކެއް، ތިބާމެންގެ އަމިއްލަ ނަފްސަށް، އަދި މުޅި ގައުމަށް" މިނިސްޓަރ ފާހަގަކުރެއްވިއެވެ.

މިނިސްޓަރ ވިދާޅުވީ މިފަދަ ޕްރޮގްރާމްތައް ރާއްޖޭގެ އެކު ރަށްތަކަށް ފުޅާކޮށް، ޒުވާނުންނާއި ހަމައަށް ވާސިލުވެ ބައިވެރިވުން އިތުރު ކުރުމަކީ އެންމެ ބޮޑު އަމާޒު ކަމަށެވެ.

މިނިސްޓަރ ވިދާޅުވީ، ރާއްޖޭގެ އާބާދީގެ ދެބައިކުޅަ އެއްބަޔަކީ ޒުވާނުން ކަމަށާއި، ޒުވާނުން ބާރުވެރި ކުރުވައި ކުރިޔަށް ދެވޭނެ ގޮތް މަގުފަހިކޮށްދިނުމަށް މަސައްކަތް ކުރަން ޖެހޭކަމަށެވެ. 

އަމާޒަކީ ނެޕް ފަދަ ޕްރޮގްރާމްތައް ރާއްޖޭގެ އެކި ރަށްތަކަށް ފުޅާކޮށް، ބައިވެރިވުން އިތުރު ކުރުން: މިނިސްޓަރ

މިނިސްޓްރީ އޮފް ޔޫތު އެމްޕަވާމަންޓް، އިންފޮމޭޝަން އެންޑް އާރޓްސްއިން " ބެލެނިވެރިންގެ ހޮޅުއަށި"ގެ ނަމުގައި ހާއްސަ ސެޝަނެއް ބޭއްވުމަށް ނިންމައިފިއެވެ.

މިމަހު 24 ވަނަ ދުވަހުގެ ރޭ 20:30 އިން 22:30 އަށް ސޯޝަލް ސެންޓަރުގައި ކުރިއަށްގެންދިއުމަށް ހަމަޖެހިފައިވާ މި ސެޝަންގައި ބައިވެރިވުމަށް ފުރިހަމަ ނަމާއި އުމުރު 7925704 އަށް ފޮނުވުމުން ރަޖިސްޓްރީކުރެވޭނެއެވެ. 

"ބެލެނިވެރިންގެ ހޮޅުއަށި" މިމަހު 24ގައި

މުޅިން އަލަށް ވަޒީފާގެ މާޙައުލަށް ނުކުންނަ ފަރާތްތަކަށް ހާއްސަކޮށްގެން ޔޫތު މިނިސްޓްރީން އިންތިޒާމްކޮށްގެން "ތައްޔާރުވަމާ" ވޯކްޝޮޕް މިމަހު ބާއްވަން ނިންމައިފިއެވެ.

އެއް ދުވަހުގެ މުއްދަތަށް ކުރިއަށްގެންދިޔަ މި ވޯކްޝޮޕް ބޭއްވުމަށް ހަމަޖެހިފައިވަނީ މިމަހު 26 ވަނަ ދުވަހުގެ ހެނދުނު 09:30 އިން 17:30އަށެވެ.

ޒުވާނުން ވަޒީފާގެ މައިދާނަށް ތައްޔާރުކުރުމަށްޓަކައި ކުރިއަށްގެންދާ މި ޕްރޮގްރާމަކީ އުމުރުން 16-35 އަހަރާ ދެމެދުގެ އުމުރުފުރާއަށް ކުރިއަށް ގެންދާ ޕްރޮގްރާމެކެވެ.

މި ވޯކްޝޮޕް ބޭއްވުމަށް ހަމަޖެހިފައިވަނީ ސޯޝަލް ސެންޓަރުގައެވެ.

"ތައްޔާރުވަމާ" ވޯކްޝޮޕް މިމަހު 26ގައި!

މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސްއިން "ނެކްސްޓްޖެން ލައިފް ސްކިލްސް ބޫޓްކޭމްޕް" ގެ ނަމުގައި ހާއްސަ ބޫޓްކޭމްޕެއް ބާއްވަން ނިންމައިފިއެވެ.

މި ޕްރޮގްރާމަކީ 18 އަހަރާއި 27 އަހަރާ ދެމެދުގެ ޒުވާނުންނަށް އަމާޒުކޮށްގެން ބާއްވާ ޕްރޮގްރާމެކެވެ.

މި ޕްރޮގްރާމް ކުރިޔަށްދާނީ މި މަހުގެ 9، 10 އަދި 12 ވަނަ ދުވަހު މާލޭގެ ސޯޝަލް ސެންޓަރުގައެވެ.

މި ޕްރޮގްރާމްގައި ބައިވެރިވާ ފަރާތްތަކަށް އަމިއްލަ ތަރައްގީއާއި، ޓީމްވޯކް އަދި މަޖާ އެކު ހަރަކާތްތަކުގެ ތަޖުރިބާ ލިބިގެންދާނެއެވެ.

މި ބޫޓްކޭމްޕުގައި ރަޖިސްޓްރީވުމުގެ ފުރުސަތު މިއަދުގެ ނިޔަލަށް ހުޅުވާލާފައިވާއިރު މި ސެޝަންގައި ބައިވެރިވުމަށް 7925704އަށް ގުޅާލުމުން ނުވަތަ އެކަމަށް ހާއްސަކޮށްފައިވާ ކިއުއާރް ކޯޑު ބޭނުންކޮށްގެން ރަޖިސްޓްރީވެވޭނެއެވެ.

މި ޕްރޮގްރާމްގައި ބައިވެރިވުމަށް އެއްވެސް ފީއެއް ނުނަގާނެއެވެ. އަދި ބައިވެރިންނަށް ކެއުމުގެ އިންތިޒާމުވެސް ވަނީ ހަމަޖެހިފައެވެ. މި ޕްރޮގްރާމްގެ ބައެއް ހަރަކާތްތައް ވިލިމާލެ ބީޗުގައި ބޭއްވުމަށް ވެސް ވަނީ ހަމަޖެހިފައެވެ.

ނެކްސްޓްޖެން ލައިފް ސްކިލްސް ބޫޓްކޭމްޕުގައި ރަޖިސްޓްރީވުމުގެ ފުރުސަތު މިއަދުގެ ނިޔަލަށް!

ރަމަޟާން މަހާ ގުޅިގެން ބާއްވާ ދީނީ ކުއިޒެއްގައި ބައިވެރިވެ، އަގުހުރި އިނާމުތައް ހޯދުމުގެ ފުރުސަތު ހުޅުވާލައިފިއެވެ.

މި ކުއިޒުގައި ބައިވެރިވުމުގެ ފުރުސަތު މިމަހު 19 ވަނަ ދުވަހުގެ ނިޔަލަށް ވަނީ ހުޅުވާލާފައެވެ.

މި ކުއިޒުގައި އެންމެ ގިނަ ސުވާލުތަކަށް ރަނގަޅަށް ޖަވާބު ދޭ ތިން ބައިވެރިންނަށް ހާއްސަ އިނާމުތަކެއް ދިނުމަށް ވަނީ ހަމަޖެހިފައެވެ.

މި ކުއިޒުގައި ބައިވެރިވުމަށް އެކަމަށް ހާއްސަކޮށްފައިވާ ކިއުއާރު ކޯޑު ސްކޭން ކުރުމުން ބައިވެރިވެވޭނެއެވެ.

ދީނީ ކުއިޒެއްގައި ބައިވެރިވެ, އަގުހުރި އިނާމު ހޯދުމުގެ ފުރުސަތު!

ނޫސް މަޖައްލާ ފަދަ ތަކެތީގެ ގާނޫނުގެ ދަށުން ރަޖިސްޓްރީ ކޮށްފައިވާ ނޫސް މަޖައްލާ ތަކުގެ މައުލޫމާތު އަޕްޑޭޓް ކުރުމަށް މިނިސްޓްރީ އޮފް ޔޫތު އެމްޕަވާމަންޓް، އިންފޮމޭޝަން އެންޑް އާރޓްސްއިން އަންގައިފިއެވެ.

މިގޮތުން އަޕްޑޭޓް ކުރުމަށް އަންގާފައިވާ މައުލޫމާތުތަކުގެ ތެރޭގައި ނޫސް މަޖައްލާގެ ނަން އަދި ޑޮމައިން އާއި މަސްއޫލުވެރިއާގެ ނަމާއި ގުޅޭނެ ފޯން ނަންބަރު އަދި މަސްއޫލުވެރި ފަރާތަކީ ކުންފުންޏެއްނަމަ ކުންފުނީގެ ނަން އަދި ގުޅޭނެ ނަންބަރު ހިމެނެއެވެ.

މީގެ އިތުރުން މަޖައްލާއަށް ޒިންމާވާ ފަރާތުގެ ނަމާއި ގުޅޭނެ ނަންބަރާއި އެޑިޓަރުގެ ނަމާއި ގުޅޭނެ ފޯން ނަންބަރު އަދި ނޫސް މަޖައްލާގެ އިދާރާގެ ނަން ހިމެނެއެވެ.

ރަޖިސްޓްރީ ކޮށްފައިވާ ނޫސް މަޖައްލާތަކުގެ، އެ މައުލޫމާތުތައް 20 މާރިޗު 2025 ވާ ބުރާސްފަތި ދުވަހުގެ އޮފީސް ބަންދުވުމުގެ ކުރިން، މިނިސްޓްރީގެ އީމެއިލްއަށް  

 އަށް ފޮނުވުމަށް ވަނީ އަންގާފައެވެ.

News

Latest updates from the Ministry