ރަމަޟާން މަހާ ގުޅިގެން ބާއްވާ ދީނީ ކުއިޒެއްގައި ބައިވެރިވެ، އަގުހުރި އިނާމުތައް ހޯދުމުގެ ފުރުސަތު ހުޅުވާލައިފިއެވެ.

މި ކުއިޒުގައި ބައިވެރިވުމުގެ ފުރުސަތު މިމަހު 19 ވަނަ ދުވަހުގެ ނިޔަލަށް ވަނީ ހުޅުވާލާފައެވެ.

މި ކުއިޒުގައި އެންމެ ގިނަ ސުވާލުތަކަށް ރަނގަޅަށް ޖަވާބު ދޭ ތިން ބައިވެރިންނަށް ހާއްސަ އިނާމުތަކެއް ދިނުމަށް ވަނީ ހަމަޖެހިފައެވެ.

މި ކުއިޒުގައި ބައިވެރިވުމަށް އެކަމަށް ހާއްސަކޮށްފައިވާ ކިއުއާރު ކޯޑު ސްކޭން ކުރުމުން ބައިވެރިވެވޭނެއެވެ.

ދީނީ ކުއިޒެއްގައި ބައިވެރިވެ, އަގުހުރި އިނާމު ހޯދުމުގެ ފުރުސަތު!

ނޫސް މަޖައްލާ ފަދަ ތަކެތީގެ ގާނޫނުގެ ދަށުން ރަޖިސްޓްރީ ކޮށްފައިވާ ނޫސް މަޖައްލާ ތަކުގެ މައުލޫމާތު އަޕްޑޭޓް ކުރުމަށް މިނިސްޓްރީ އޮފް ޔޫތު އެމްޕަވާމަންޓް، އިންފޮމޭޝަން އެންޑް އާރޓްސްއިން އަންގައިފިއެވެ.

މިގޮތުން އަޕްޑޭޓް ކުރުމަށް އަންގާފައިވާ މައުލޫމާތުތަކުގެ ތެރޭގައި ނޫސް މަޖައްލާގެ ނަން އަދި ޑޮމައިން އާއި މަސްއޫލުވެރިއާގެ ނަމާއި ގުޅޭނެ ފޯން ނަންބަރު އަދި މަސްއޫލުވެރި ފަރާތަކީ ކުންފުންޏެއްނަމަ ކުންފުނީގެ ނަން އަދި ގުޅޭނެ ނަންބަރު ހިމެނެއެވެ.

މީގެ އިތުރުން މަޖައްލާއަށް ޒިންމާވާ ފަރާތުގެ ނަމާއި ގުޅޭނެ ނަންބަރާއި އެޑިޓަރުގެ ނަމާއި ގުޅޭނެ ފޯން ނަންބަރު އަދި ނޫސް މަޖައްލާގެ އިދާރާގެ ނަން ހިމެނެއެވެ.

ރަޖިސްޓްރީ ކޮށްފައިވާ ނޫސް މަޖައްލާތަކުގެ، އެ މައުލޫމާތުތައް 20 މާރިޗު 2025 ވާ ބުރާސްފަތި ދުވަހުގެ އޮފީސް ބަންދުވުމުގެ ކުރިން، މިނިސްޓްރީގެ އީމެއިލްއަށް  

 އަށް ފޮނުވުމަށް ވަނީ އަންގާފައެވެ.

ރަޖިސްޓްރީ ކޮށްފައިވާ މީޑިއާތަކުގެ މައުލޫމާތު އަޕްޑޭޓް ކުރުމަށް އަންގައިފި

މޯލްޑިވްސް މީޑިއާ ކައުންސިލުގެ އާންމު މެންބަރެއްގެ މަގާމާއި މީޑިއާތައް ތަމްސީލްކުރާ މެންބަރެއްގެ މަގާމު ހުސްވެފައިވާތީ، އަދި މީޑިއާތައް ތަމްޘީލްކުރާ އިތުރު މެންބަރެއްގެ މަގާމު 28 އެޕްރީލް 2025 ގައި ހުސްވާތީ މި ތިން މަގާމަށް ތިން މެންބަރުން އިންތިހާބުކުރުމަށްޓަކައި އިންތިހާބަށް ކުރިމަތިލުމުގެ ފުރުސަތު ވަނީ ހުޅުވާލާފައެވެ.

ހުންނަން ޖެހޭ ޝަރުތުތައް:

(ހ) ދިވެހި ރައްޔިތެއް ކަމުގައިވުން.

(ށ) އުމުރުން 18 (އަށާރަ) އަހަރު ފުރިފައިވުން.

(ނ) އިސްލާމް ދީނުގައި ހައްދެއް ކަނޑައެޅިފައިވާ ކުށެއް ކުރިކަން ޝަރީއަތަށް ސާބިތުވެފައިވާ މީހަކު

(ރ) މަސްތުވާ ތަކެތީގެ ވިޔަފާރި ކުރުމުގެ ކުށް ސާބިތުވެފައިވާ މީހެއްކަމުގައި ނުވުން.

(ބ) ކުޑަކުދިންނަށް ޖިންސީ ގޯނާ ކުރުމުގެ ކުށް ޝަރީއަތަށް ސާބިތުވެފައިވާ މީހެއް ކަމުގައި ނުވުން.

(ޅ) ވޭތުވެދިޔަ 2 (ދޭއް) އަހަރު ތެރޭގައި ޖިނާއީ ކުށެއް ކުރިކަން ޝަރީއަތަށް ސާބިތުވެފައިވާ މީހެއް

(ކ) ޚިޔާނާތުގެ ނުވަތަ ރިޝްވަތުގެ ކުށެއް ކުރިކަން ޝަރީއަތަށް ސާބިތުވެފައިވާ މީހެއްކަމުގައި ނުވުން.

(އ) މުޖްތަމައު ގަބޫލުކުރާ މިންގަނޑުތަކުން އަބުރުވެރި، އަޚުލާގު ރަނގަނޅު މީހެއް ކަމުގައިވުން.

(ވ) ފާއިތުވެދިޔަ 12 (ބާރަ) މަސްދުވަހުގެ ތެރޭގައި ނޫސް މަޖައްލާ އެއްގައި އެމީހަކު ލިޔުނު އެއްޗަކާބެހޭގޮތުން ޝަރީއަތަށް ކުށެއް ސާބިތުވެފައިވާ މީހެއްކަމުގައި ނުވުން.

މޯލްޑިވްސް މީޑިއާ ކައުންސިލުގެ މި ތިން މަގާމަށް ވާދަކުރަން އެދޭ ފަރާތްތަކުން 18 މާރިޗު 2025 ވާ އަންގާރަ ދުވަހުގެ 14:00 ގެ ކުރިން، މިމިނިސްޓްރީގެ ވެބްސައިޓްގައިވާ މީޑިއާ ކައުންސިލްގެ އިންތިހާބުގައި މެންބަރުކަމަށް ކުރިމަތިލުމަށް އެދޭ ފޯމު ފުރައި، އެފޯމާއެކު ހުށަހަޅަންޖެހޭ ތަކެތި، މިނިސްޓްރީ އޮފް ޔޫތު އެންޕަވަރމަންޓް، އިންފޮމޭޝަން އެންޑް އާޓްސް ގެ އީމެއިލް  

 އަށް ހުށަހެޅުމަށް މިނިސްޓްރީން އެދެއެވެ.

އާންމު މެންބަރުންގެ ގޮތުގައި ބަލާނީ މީޑިއާއާ ގުޅުންހުރި އެއްވެސް ދާއިރާއެއްގައި މަސައްކަތް ނުކުރާ ފަރާތްތަކެވެ. ކައުންސިލުގެ މެންބަރުންގެ މުއްދަތަކީ މީލާދީ 2 އަހަރެވެ. އެއްވެސް ފަރާތަކަށް ކައުންސިލުގެ މެންބަރުކަމުގައި ވިދިވިދިގެން 2 ދައުރު އަދާ ނުކުރެވޭނެއެވެ.

މޯލްޑިވްސް މީޑިއާ ކައުންސިލްގެ ބައި އިލެކްޝަނަށް ކުރިމަތިލާން ހުޅުވާލައިފި

ޔޫތު މިނިސްޓްރީ އަދި އުރީދޫ މޯލްޑިވްސްއާ ގުޅިގެން ރާއްޖޭގެ ގޭމަރުންނަށް ހާއްސަކޮށް ބޭއްވި "ރަމަޟާން އީސްޕޯޓްސް ފެސްޓިވަލް 2025" ކާމިޔާބުކަމާއެކު ނިންމާލައިފިއެވެ.

މި ފެސްޓިވަލްގައި އޮންލައިން އަދި އޮފްލައިން ގޭމިންގ މުބާރާތްތައް ބާއްވާފައިވާއިރު މީގެ ތެރޭގައި ޕަބްޖީ، އީއޭއެފްސީ އަދި ޓެކެން ފަދަ ގޭމްތައް ހިމެނެއެވެ.

މި މުބާރާތްތައް ބާއްވާފައިވަނީ މާރިޗު މަހުގެ 12 އިން 14 އަށެވެ.

ކޮންމެ ގޭމެއްގެ 1 ވަނައަށް ދިޔަ ފަރާތަށް 5000 ރުފިޔާގެ ފައިސާގެ އިނާމު ހަވާލުކޮށްފައިވާއިރު ދެވަނައަށް 3000 ރުފިޔާގެ ފައިސާގެ އިނާމު އަދި ތިންވަނައަށް ދިޔަ ފަރާތަށް 2000 ރުފިޔާގެ ފައިސާގެ އިނާމު ވަނީ ހަވާލުކޮށްފައެވެ.

ރަމަޟާން އީސްޕޯޓްސް ފެސްޓިވަލް 2025"  ކާމިޔާބުކަމާއެކު ނިންމާލައިފި

ކޮމަންވެލްތު ދުވަހުއާ ގުޅިގެން މިނިސްޓްރީ އޮފް ޔޫތު އެމްޕަވާމަންޓް، އިންފޮމޭޝަން އެންޑް އާރޓްސްއިން ބާއްވާ ކުއިޒުގައި ބައިވެރިވުމުގެ ފުރުސަތު އިތުރުކޮށްފިއެވެ.

މުބާރާތުގައި ބައިވެރިވުމުގެ ފުރުސަތު ކުރިން ހުޅުވާލާފައިވަނީ މި މަހުގެ 9 ވަނަ ދުވަހާއި ހަމައަށެވެ. ނަމަވެސް މިހާރު ވަނީ މިމަހުގެ 16 ވަނަ ދުވަހުގެ 13:00ގެ ނިޔަލަށް ބައިވެރިވުމުގެ ފުރުސަތު އިތުރުކޮށްފައެވެ.

މިކުއިޒު ބޭއްވުމަށް ހަމަޖެހިފައިވަނީ 17 މާރޗް 2025 ވަނަ ދުވަހު، ސޯޝަލް ސެންޓަރުގައެވެ.

މި ކުއިޒުގައި ބައިވެރިވެ، އިނާމުތަކެއް ހޯދުމުގެ ފުރުސަތު ވަނީ ހުޅުވާލާފައެވެ.

ކުއިޒުގައި ބައިވެރިވުމަށް ޝައުގުވެރިވާ ފަރާތްތަކަށް ހިލޭ ބައިވެރިވުމުގެ ފުރުސަތު ވަނީ ހުޅުވާލާފައެވެ.

ކޮމަންވެލްތު ދުވަހާއި ގުޅިގެން ބާއްވާ ކުއިޒުގައި ބައިވެރިވުމުގެ ފުރުސަތު އިތުރުކޮށްފި

މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސްއިން ބާއްވާ "ޒުވާނުންގެ ބަދިގެ" ކައްކާ ޕްރޮގްރާމްގެ ފުރަތަމަ އެޕިސޯޑު މާދަމާ ރޭ ދައްކަން ހަމަޖެހިއްޖެއެވެ.

މި ޕްރޮގްރާމް ދެއްކުމަށް ހަމަޖެހިފައިވަނީ މާދަމާ ރޭ 22:00ގައި ދިވެހި ޗެނަލް އިންނެވެ. 

މި ޕްރޮގްރާމް ހިންގުމުގެ މަގްސަދަކީ ކެއްކުމުގެ ދާއިރާއަށް ޝައުގުވެރިކަން ހުންނަ ޒުވާނުންނަށް މި ދާއިރާއިން ކުރިޔަށް ދިޔުމަށް ފުރުސަތުތައް ފަހިކޮށްދިނުމާއި، ދާއިރާގެ އިލްމީ އަދި ތަޖުރިބާހުރި ބޭފުޅުންގެ ފަންނީ މައުލޫމާތުތައް ރާއްޖޭގެ އެކި ކަންކޮޅުތަކުގައި ދިރިއުޅޭ ޒުވާނުންނަށް ހިއްސާކުރުމެވެ.

މި ޕްރޮގްރާމް ކުރިޔަށްދާނީ 4 އެޕިސޯޑަކަށް ބަހާލައިގެން ތަފާތު 4 ވައްތަރުގެ ކެއުން ތައްޔާރު ކޮށްގެންނެވެ.

އެޕިސޯޑު ދެއްކުމަށް ހަމަޖެހިފައިވާ ދުވަސްތައް:

· އެޕިސޯޑު 1 : 14 މާރޗް 2025

· އެޕިސޯޑު 2 : 21 މާރޗް 2025

· އެޕިސޯޑު 3 : 28 މާރޗް 2025

· އެޕިސޯޑު 4 : 31 މާރޗް 2025

މި ޕްރޮގްރާމް ކުރިޔަށްގެންދާނީ ތަޖުރިބާކާރު ޒުވާން ޝެފެއް ކަމަށްވާ މުމީތު އާއެކުގައެވެ.

ޒުވާނުންގެ ބަދިގެ: ފުރަތަމަ އެޕިސޯޑު މާދަމާ ރޭ!

ޔޫތު މިނިސްޓްރީ އަދި އުރީދޫ މޯލްޑިވްސްއާ ގުޅިގެން ރާއްޖޭގެ ގޭމަރުންނަށް ހާއްސަކޮށް ބާއްވާ "ރަމަޟާން އީސްޕޯޓްސް ފެސްޓިވަލް 2025" ފަށައިފިއެވެ.

މި ފެސްޓިވަލްގައި އޮންލައިން އަދި އޮފްލައިން ގޭމިންގ މުބާރާތްތައް ބާއްވާއިރު މީގެ ތެރޭގައި ޕަބްޖީ، އީއޭއެފްސީ އަދި ޓެކެން ފަދަ ގޭމްތައް ހިމެނެއެވެ.

މި މުބާރާތްތައް ބޭއްވުމަށް ހަމަޖެހިފައިވަނީ މާރިޗު މަހުގެ 12 އިން 14 އަށެވެ.

ކޮންމެ ގޭމެއްގެ 1 ވަނައަށް އަންނަ ފަރާތަށް 5000 ރުފިޔާގެ ފައިސާގެ އިނާމެއް ލިބޭނެއެވެ. ދެވަނައަށް 3000 ރުފިޔާ ލިބިގެންދާއިރު ތިންވަނައަށް އަންނަ 2000 ރުފިޔާ ދިނުމަށް ވަނީ ހަމަޖެހިފައެވެ.

"ރަމަޟާން އީސްޕޯޓްސް ފެސްޓިވަލް 2025" ފަށައިފި

ޔޫތު މިނިސްޓްރީ އަދި އުރީދޫ މޯލްޑިވްސްއާ ގުޅިގެން ރާއްޖޭގެ ގޭމަރުންނަށް ހާއްސަކޮށް މި ރަމަޟާން މަހު "ރަމަޟާން އީސްޕޯޓްސް ފެސްޓިވަލް 2025" ބޭއްވުމަށް ތައްޔާރުވެއްޖެއެވެ.

މި ފެސްޓިވަލްގައި އޮންލައިން އަދި އޮފްލައިން ގޭމިންގ މުބާރާތްތައް ބޭއްވުމަށް ވަނީ ހަމަޖެހިފައެވެ. މީގެ ތެރޭގައި ޕަބްޖީ، އީއޭއެފްސީ އަދި ޓެކެން ހިމެނެއެވެ.

މި ފެސްޓިވަލްގައި ބައިވެރިވުމަށް ވަރަށް އަވަހަށް ރަޖިސްޓްރޭޝަނަށް ހުޅުވާލާނެއެވެ.

Ooredoo Nation, in collaboration with the Ministry of Youth Empowerment, Information and Arts, has officially launched the highly anticipated ‘Ramadan Esports Festival 2K25’. Scheduled to take place from March 12 to 14 at the Youth Third Space, the festival aims to bring together gaming enthusiasts for an electrifying competition.

The tournament will feature a combination of online and offline gaming battles, catering to both competitive and casual players. PUBG Mobile will be played online, while Tekken and EAFC will take center stage in offline competitions, offering an immersive gaming experience.

Gamers eager to participate can now register by scanning the QR code provided by the event organizers. With a total prize pool of MVR 30,000, each game category will award MVR 10,000 in prizes. The top three winners from each game will be recognized and rewarded for their skills and dedication.

This exciting initiative highlights the growing esports scene in the Maldives, providing a platform for gamers to showcase their talent while fostering a sense of community. As the countdown begins, esports fans can look forward to an action-packed festival celebrating skill, strategy, and sportsmanship.

"ރަމަޟާން އީސްޕޯޓްސް ފެސްޓިވަލް 2025" އަށް ތައްޔާރުތަ؟

Ready for Ramadan E-Sports Festival 2025?

މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސްއިން ބާއްވާ "ޒުވާނުންގެ ބަދިގެ" ކައްކާ ޕްރޮގްރާމް މިއަހަރުގެ ރޯދަ މަހުވެސް ބާއްވަން ނިންމައިފިއެވެ.

މި ޕްރޮގުރާމުގައި ބައިވެރިވުމުގެ އުމުރު ފުރާއަކީ އުމުރުން 16 އިން 35 އަހަރެވެ. ހިލޭ ބައިވެރިވުމުގެ ފުރުސަތު ހުޅުވާލާފައިވާއިރު މިއަދު 13:00ގެ ކުރިން މި ޕްރޮގުރަމުގައި ބައިވެރިވުމަށް ރަޖިސްޓްރީވާން ޖެހޭނެއެވެ. މި ލިންކު ބޭނުންކޮށްގެން 

 މި ޕްރޮގުރާމުގައި ރަޖިސްޓްރީ ވެވޭނެއެވެ.

ޕްރޮގްރާމް ހިންގުމަށް ހަމަޖެހިފައިވަނީ ދިވެހިރާއްޖޭގެ ގައުމީ ޔުނިވާސިޓީގެ ފެކަލްޓީ އޮފް ހޮސްޕިޓާލިޓީ އެންޑް ޓޫރިޒަމް ސްޓަޑީޒް ގައެވެ.

މި ޕްރޮގްރާމް ދެއްކުމަށް ހަމަޖެހިފައިވަނީ ދިވެހިން ޗެނަލް އިންނެވެ. މި ޕްރޮގްރާމް ކުރިޔަށްގެންދާނީ ތަޖުރިބާކާރު ޒުވާން ޝެފެއް ކަމަށްވާ މުމީތު އާއެކުގައެވެ.

The Ministry of Youth Empowerment, Information and Arts has announced the return of the 'Zuvaanunge Badhige' cooking program for Ramadan, offering young culinary enthusiasts a unique opportunity to hone their skills and gain industry knowledge.

Designed to support aspiring chefs, the program aims to provide technical expertise from culinary professionals while encouraging youth to explore career opportunities in the field. Open to individuals aged 16 to 35, participation in the program is free of charge. Interested individuals must register before 13:00 PM today via the link provided by the Ministry.

The program will be filmed at the Maldives National University’s Faculty of Hospitality and Tourism Studies, featuring a total of four episodes. Each episode will focus on a different type of meal and will air on Dhivehi Channel on the following dates:

The program will be hosted by talented youth chef, Mumeeth, bringing an engaging and educational experience to viewers. By showcasing culinary creativity and expertise, 'Zuvaanunge Badhige' aims to inspire and empower the next generation of chefs in the Maldives.

"ޒުވާނުންގެ ބަދިގެ" ކައްކާ ޕްރޮގްރާމް މި ރޯދަ މަހު ވެސް!

Zuvaanunge Badhige Cooking Show Returns this Ramadan!

ރަމަޟާން މަހާ ގުޅިގެން ދިރިއުޅުމުގެ އާދަތަކަށް އަންނަ ބަދަލުތަކާ ބެހޭގޮތުން މައުލޫމާތު ދިނުމަށް އޮންލައިން ސެޝަނެއް ބާއްވަން ނިންމައިފިއެވެ.

މި ސެޝަން ބޭއްވުމަށް ހަމަޖެހިފައިވަނީ 13 މާރޗް 2025 ވާ ބުރާސްފަތި ދުވަހުގެ ރޭ 21:30 އިން 22:30 އަށެވެ.

ސެޝަނުގައި ބައިވެރިވުމަށް ޝައުގުވެރިވާ ފަރާތްތަކަށް ދެ ގޮތަކުން ރަޖިސްޓަރ ކުރެވޭނެއެވެ.

އެކަމަށް ހާއްސަކޮށްފައިވާ ކިއުއާރު ކޯޑު ސްކޭން ކުރުމުން ނުވަތަ 7925704 ނަންބަރަށް ނަމާއި އުމުރު ފޮނުވުމުން ރަޖިސްޓްރީކުރެވޭނެއެވެ.

News

Latest updates from the Ministry

Ready for Ramadan E-Sports Festival 2025?

Zuvaanunge Badhige Cooking Show Returns this Ramadan!

Online Session: Ramadan and Lifestyle