ގާނޫނު ނަންބަރު 2008/15 (މޯލްޑިވްސް މީޑިއާ ކައުންސިލްގެ ގާނޫނު) ގެ ދަށުން އެކުލަވާލާފައިވާ މޯލްޑިވްސް މީޑިއާ ކައުންސިލުގެ ހުސްވެފައިވާ 3 (ތިނެއް) މެންބަރުންގެ ބަދަލުގައި 3 (ތިނެއް) މެންބަރުން (އާންމު މެންބަރަކާއި މީޑިއާތައް ތަމްސީލްކުރާ ދެ މެންބަރުން) އިންތިޚާބު ކުރުމަށްޓަކައި ބޭއްވުމަށް ހަމަޖެހިފައިވާ އިންތިޚާބު (ބައި- އިލެކްޝަން) އޮންނާނީ 21 ޖޫން 2025 ވާ ހޮނިހިރު ދުވަހުގެ ހެނދުނު 10:00 – 11:00 އަށް ސޯޝަލް ސެންޓަރުގެ ފުރަތަމަ ފަންގިފިލާގައިވާ ޖިމްނޭޒިއަމް ރޫމް (ފިޓްނަސް ރޫމު) ގައެވެ.

           ވީމާ، މި އިންތިޚާބުގެ ކަންކަން ކުރިޔަށްދާގޮތް ބެލުމަށްޓަކައި އޮބްޒާވަރުންގެ ގޮތުގައި ރަޖިސްޓްރީ ވުމަށް ހުޅުވާލަމެވެ. އޮބްޒާވަރުންގެ ގޮތުގައި ހަރަކާތްތެރި ވެވޭނީ ކޮންމެ ކެންޑިޑޭޓެއް ނޫނީ އިދާރާއެއް ނުވަތަ ޖަމްއިއްޔާ ޖަމާއަތެއް ތަމްސީލް ކުރާ 1 (އެކެއް) ފަރާތަށެވެ. އޮބްޒާވަރުންގެ ގޮތުގައި ރަޖިސްޓްރީ ކުރުމަށް ހުށަހަޅަންޖެހޭ ފޯމު، މި އިއުލާން އާ އެއްކަރުދާސް ކުރެވިފައިވާނެއެވެ. ފޯމު ފުރުއްވައި 19 ޖޫން 2025 ވާ ބުރާސްފަތިދުވަހުގެ މެންދުރު 12:00 ގެ ކުރިން މިނިސްޓްރީ އޮފް ޔޫތު އެމްޕަވާމެންޓް، އިންފޮމޭޝަން އެންޑް އާޓްސް ގެ ރިސެޕްޝަން (ސޯޝަލް ސެންޓަރގެ ގްރައުންޑް ފްލޯ) އަށް ހުށަހެޅުން އެދެމެވެ. މީގެއިތުރުން މިމިނިސްޓްރީގެ އީމެއިލް: 

 މެދުވެރިކޮށްވެސް ފޯމު ހުށަހެޅުއްވޭނެއެވެ. ހުށަހަޅާ ހުރިހާ ލިޔުންތައްވެސް ހުންނަންޖެހޭނީ ޕީޑީއެފް ފޯމެޓަށެވެ. އިތުރު މައުލޫމާތު ބޭނުންނަމަ ނަންބަރު 4000419 ފޯނަށް ގުޅުން އެދެމެވެ.

           ވީމާ، މިކަން އާންމުކޮށް އެންގުމަށްޓަކައި އިއުލާން ކުރީމެވެ.

މޯލްޑިވްސް މީޑިއާ ކައުންސިލް ގެ ބައިއިލެކްޝަންގައި އޮބްޒަރވަރުންގެ ގޮތުގައި ރަޖިސްޓްރީވުމަށް ހުޅުވާލުން

 ޤާނޫނު ނަންބަރު 2008/15 (މޯލްޑިވްސް މީޑިއާ ކައުންސިލުގެ ޤާނޫނު) ގެ ދަށުން އެކުލަވާލާފައިވާ މޯލްޑިވްސް މީޑިއާ ކައުންސިލަށް، 3 (ތިނެއް) މެންބަރުން (އާންމު މެންބަރަކާއި މީޑިއާތައް ތަމްޘީލްކުރާ ދެ މެންބަރުން)  އިންތިޚާބު ކުރުމަށްޓަކައި މެންބަރު ކަމަށް ކުރިމަތިލުމަށް މިމިނިސްޓްރީން ކޮށްފައިވާ ނަންބަރ :  (IUL)493-MR/493/2025/17 (11 ފެބްރުއަރީ 2025) އިއުލާންއާއި ނަންބަރު:  (IUL)493-MR/493/2025/35  (10 މާޗް 2025) އިއުލާން އަދި ނަންބަރު  : (IUL)493-MR/493/2025/39 (13  މާޗް 2025 ) ގެ އިއުލާން އާއި ނަންބަރު (IUL)493-MR/493/2025/80 (20 މެއި 2025) ގެ އިއުލާނަށް ހަވާލާދީ ދަންނަވަމެވެ. މިއިއުލާންތަކާ ގުޅިގެން މިއިންތިޚާބަށް ކުރިމަތިލި ފަރާތްތަކުގެ ތެރެއިން ޝަރުތު ހަމަވާ ކެންޑިޑޭޓުންގެ ނަމާއި ކެންޑިޑޭޓް ނަންބަރު ތަރުތީބު ކުރެވިފައިވާގޮތް، ތިރީގައި މިވަނީއެވެ.

     މި އިންތިޚާބު (ބައި- އިލެކްޝަން) އޮންނާނީ 21 ޖޫން 2025 ވާ ހޮނިހިރު ދުވަހުގެ ހެނދުނު 10:00 – 11:00 އަށް ސޯޝަލް ސެންޓަރުގެ ފުރަތަމަ ފަންގިފިލާގެ ޖިމްނޭޒިއަމް ރޫމްގައެވެ. ވީމާ، މިކަން އާންމުކޮށް އެންގުމަށްޓަކައި އިއުލާން ކުރީމެވެ. 

މޯލްޑިވްސް މީޑިއާ ކައުންސިލްގެ ބައި-އިލެކްޝަންގައި ވާދަކުރާ ކެންޑިޑޭޓުންގެ ލިސްޓް އާންމު ކުރުން

   މިއީ ދިވެހިރާއްޖޭގެ ޖަމްޢިއްޔާތަކުގެ ޤާނޫނު ނަންބަރު  2022/3 ގެ ދަށުން ރަޖިސްޓަރީކޮށްގެން ހިންގާ މަދަނީ ޖަމްޢިއްޔާ/ޖަމާޢަތްތަކުން ރާއްޖޭގެ މުޖްތަމަޢު ބާރުވެރިކުރުމުގެގޮތުން ހިލޭސާބަހަށް ކުރާ މަސައްކަތްތައް ފާހަގަކޮށް، އެޖަމްޢިއްޔާތަކުގެ އަގުވަޒަން ކުރުމުގެގޮތުން ދިނުމަށް ކަނޑައެޅިފައިވާ އިނާމެކެވެ. މި އިނާމުގެ ސަބަބުން ޖަމްޢިއްޔާތަކުން ކުރާ މަސައްކަތްތައް ގައުމީ ފެންވަރުގައި ފާހަގަކުރެވޭނެއެވެ. އަދި މިއިނާމަކީ އިޖުތިމާޢީ ގޮތުން މުޖުތަމަޢު ބާރުވެރި ކުރުވުމަށް އަމިއްލައިސްނެގުމުގެ މަތީން، ތަފާތު ގޮތްގޮތުން އެ ޖަމްޢިއްޔާއެއް ނިސްބަތްވާ މުޖްތަމަޢުގެ ރައްޔިތުންގެ ދިރިއުޅުމުގެ ހާލަތު ކުރިއެރުވުމަށް ހިލޭސާބަހަށް މަސައްކަތް ކުރުމުގައި މަދަނީ ޖަމްޢިއްޔާތަކުގެ ތެރެއިން ނަމޫނާ ދައްކުވައިދޭ ފަދަ މަސައްކަތްތައް ކޮށްފައިވާ ޖަމްޢިއްޔާ ތަކަށް ދެވޭ އިނާމެކެވެ.     

      މަދަނީ ޖަމްޢިއްޔާތަކުގެ އިނާމް ލިބޭފަރާތްތަކަށް، ޖަމްޢިއްޔާތަކަށް ދެވޭ ޚާއްޞަ އެވޯޑާއި، ސެޓްފިކެޓް ހިމެނެއެވެ.   

      ވީމާ، "ސިވިލް ސޮސައިޓީ އެވޯޑް" އަށް ނަން ހުށަހެޅުމަށް ޝައުޤުވެރިވާ ޖަމްޢިއްޔާތަކުން، 10 ޖުލައި 2025 ވާ ބުރާސްފަތި ދުވަހުގެ 13:00ގެ ކުރިން މި މިނިސްޓްރީގެ ކައުންޓަރަށް (ސޯޝަލް ސެންޓަރ) އެޕްލިކޭޝަން ފޯމް ހުށަހެޅުއްވުމަށް ދަންނަވަމެވެ.  ނުވަތަ މި މިނިސްޓްރީގެ އީމެއިލް: 

 މެއިލް މެދުވެރިކޮށް ހުށަހެޅުއްވުމަށް ދެންނެވީމެވެ. 

       މަދަނީ ޖަމްޢިއްޔާތަކުގެ އިނާމަށް ކުރިމަތިލުމުގެ އެޕްލިކޭޝަން ފޯމް މިނިސްޓްރީގެ ވެބްސައިޓް 

 އިން ޑައުންލޯޑް ކުރެވެން ހުންނާނެއެވެ. އަދި މި އިޢުލާނާއެކު އެޓޭޗްކޮށްފައި މިވަނީއެވެ.

       މި އިނާމްތަކަށް ނަން ހުށަހެޅުމުގެ ފުރުޞަތު 27 މެއި 2025 ވަނަ ދުވަހުން ފެށިގެން ޢާއްމުކޮށް ވަނީ ހުޅުވާލެވިފައެވެ.

އުސޫލު

Usoolu

ފޯމް

Application Form

ސިވިލް ސޮސައިޓީ އެވޯޑް

Civil Society Award

         ގާނޫނު ނަންބަރު 2008/15 (މޯލްޑިވްސް މީޑިއާ ކައުންސިލްގެ ގާނޫނު) ގެ ދަށުން އެކުލަވާލާފައިވާ މޯލްޑިވްސް މީޑިއާ ކައުންސިލުގެ ބައި-އިލެކްޝަން އާ ބެހޭގޮތުން މިމިނިސްޓްރީން ކޮށްފައިވާ ނަންބަރ

(IUL)493-MR/493/2025/17(11 ފެބްރުއަރީ 2025) އިއުލާންއާއި ނަންބަރު:  (IUL)493-MR/493/2025/35  (10 މާޗް 2025) އިއުލާން އަދި ނަންބަރު  : (IUL)493-MR/493/2025/39 (13 މާޗް 2025) ގެ އިއުލާން އަށް ހަވާލާދީ ދަންނަވަމެވެ.

         މޯލްޑިވްސް މީޑިއާ ކައުންސިލުގެ އާންމު މެންބަރެއްގެ މަގާމާއި މީޑިއާތައް ތަމްޘީލްކުރާ 2 މެންބަރުންގެ މަގާމާއެކު ޖުމްލަ 3 މެންބަރުންގެ މަގާމު ހުސްވެފައިވާތީ، މި 3 މަގާމަށް 3 މެންބަރުން އިންތިޚާބުކުރުމަށްޓަކައި ބޭއްވުމަށް ހަމަޖެހިފައިވާ ބައި އިލެކްޝަނަށް މީޑިއާ ތަކުން ކުރިމަތިލި 4 ކެންޑިޑޭޓުންގެ ތެރެއިން 2 ކެންޑިޑޭޓެއްގެ ނަން ވަނީ އަނބުރައި ގެންދަވާފައެވެ. ވީމާ، މި 3 މަގާމުގެ ތެރެއިން މީޑިއާތަކުން އިންތިޚާބު ކުރަންޖެހޭ 2 މަގާމަށް 2 މެންބަރުން އިންތިޚާބުކުރުމަށްޓަކައި އިންތިޚާބަށް ކުރިމަތިލުމުގެ ފުރުސަތު އަލުން ހުޅުވާލަމެވެ.

         މެންބަރުކަމަށް ކުރިމަތިލާ ފަރާތްތަކުގެ ކިބާގައި ހުންނަންޖެހޭ ޝަރުތުތަކާއި އެނޫންވެސް މައުލޫމާތު މިކަމާބެހޭގޮތުން ކުރިން މިމިނިސްޓްރީން ކޮށްފައިވާ ނަންބަރު:  (IUL)493-MR/493/2025/17  (11 ފެބްރުއަރީ 2025) އިއުލާންގައިހިމެނިފައިވާނެއެވެ. މަތީގައިވާ 3 އިއުލާނާ ގުޅިގެން މެންބަރުކަމަށް ކުރިމަތިލުމަށް އެދި ފޯމާއި ލިޔުންތައް މީގެކުރިން ހުށަހަޅާފައިވާ ފަރާތްތަކުން އަލުން މެންބަރުކަމަށް އެދި ހުށަހަޅާކަށް ނުޖެހޭނެއެވެ.

         ވީމާ، މޯލްޑިވްސް މީޑިއާ ކައުންސިލުގެ، މި ތިން މަގާމަށް ވާދަކުރަން އެދޭ ފަރާތްތަކުން 27 މެއި 2025 ވާ އަންގާރަ ދުވަހުގެ 14:00 ގެ ކުރިން، މިމިނިސްޓްރީގެ ވެބްސައިޓްގައިވާ މީޑިއާ ކައުންސިލްގެ އިންތިޚާބުގައި މެންބަރުކަމަށް ކުރިމަތިލުމަށް އެދޭ ފޯމު" ފުރުއްވައި، އެފޯމާއެކު ހުށަހަޅަންޖެހޭ ތަކެތި، މިނިސްޓްރީ އޮފް ޔޫތު އެމްޕަވާމެންޓް، އިންފޮމޭޝަން އެންޑް އާޓްސް ގެ އީމެއިލް:  

 އަށް ހުށަހެޅުއްވުން އެދެމެވެ. ހުށަހަޅާ ހުރިހާ ލިޔުންތައްވެސް ހުންނަންޖެހޭނީ ޕީޑީއެފް ފޯމެޓަށެވެ. މެންބަރުކަމަށް ކުރިމަތިލުމަށް އެދޭ ފޯމު" އަދި "މައްސަލަ ސާފުކުރާ ފޯމު" މި އިއުލާން އާ އެއްކަރުދާސް ކުރެވިފައިވާނެއެވެ.

Massala saafu kuraa Form

މޯލްޑިވްސް މީޑިއާ ކައުންސިލްގެ ބައި އިލެކްޝަންގެ މީޑިއާތައް ތަމްޘީލްކުރާ މެންބަރުކަމަށް ކުރިމަތިލުމަށް ހުޅުވާލުން

 ގާނޫނު ނަންބަރު 2008/15 (މޯލްޑިވްސް މީޑިއާ ކައުންސިލުގެ ގާނޫނު) ގެ ދަށުން އެކުލަވާލާފައިވާ މޯލްޑިވްސް މީޑިއާ ކައުންސިލަށް، 3 (ތިނެއް) މެންބަރުން އިންތިޚާބު ކުރުމަށް 11 މެއި 2025 ގައި މިނިސްޓްރީން ކޮށްފައިވާ ނަންބަރު: (IUL)493-MR/493/2025/70 އިއުލާނާ ހަވާލާދީ ދަންނަވަމެވެ.

              މޯލްޑިވްސް މީޑިއާ ކައުންސިލް އިންތިޚާބުގައި ވޯޓުލުމަށް، ރަޖިސްޓްރީ ކުރެއްވި ފަރާތްތަކުގެ ދާއިމީ ލިސްޓް، މި އިއުލާން އާއެކު އެޓޭޗް ކުރެވިފައިވާނެ ވާހަކަ ދެންނެވީމެވެ.  

              ވީމާ، މިކަން އާންމުކޮށް އެންގުމަށްޓަކައި އިޢުލާންކުރީމެވެ.

ލިސްޓް

List

މޯލްޑިވްސް މީޑިއާ ކައުންސިލް 3 މެންބަރުން އިންތިޚާބު ކުރުމަށް ބާއްވާ ބައި-އިލެކްޝަންގައި ވޯޓުލުމަށް ރަޖިސްޓްރީކުރި ފަރާތްތަކުގެ ދާއިމީ ލިސްޓް

 ޤާނޫނު ނަންބަރު 2008/15 (މޯލްޑިވްސް މީޑިއާ ކައުންސިލުގެ ޤާނޫނު) ގެ ދަށުން އެކުލަވާލާފައިވާ މޯލްޑިވްސް މީޑިއާ ކައުންސިލަށް، 3 (ތިނެއް) މެންބަރުން އިންތިޚާބު ކުރުމަށް ބާއްވާ އިންތިޚާބު (ބައި އިލެކްޝަން) ގައި ވޯޓުލާ ފަރާތްތައް ރަޖިސްޓްރީވުމަށް 21 އެޕްރީލް 2025 ގައި ކޮށްފައިވާ ނަންބަރު : 55(IUL)493-MR/493/2025/ އިއުލާން އާ ހަވާލާދީ ދަންނަވަމެވެ. މި އިންތިޚާބުގައި ވޯޓުލާން ރަޖިސްޓްރީ ވުމުގެ މުއްދަތު ރަސްމީ ބަންދު ދުވަސްތައް ފިޔަވައި، 4 މެއި 2025 ވާ އާދީއްތަ ދުވަހުގެ 13:30 އަށް އިތުރު ކޮށްފީމެވެ.

       ރަޖިސްޓްރީވުމަށް ހުށަހަޅަންޖެހޭ ފޯމް، މި އިޢުލާނާއެކުގައި ވާނެއެވެ. މި ފޯމާއެކު އައިޑީ ކާޑުގެ ކޮޕީ ހުށަހަޅަން ޖެހޭނެއެވެ. މޯލްޑިވްސް މީޑިއާ ކައުންސިލް ގެ އިންތިޚާބުގައި ވޯޓުލުމަށް ރަޖިސްޓްރީ ކުރެވޭނީ ރަޖިސްޓްރީކޮށްފައިވާ ނޫސްތަކާއި ބްރޯޑްކާސްޓަރުންގެ މަސްއޫލުވެރިޔާއަށް ނުވަތަ މަސްއޫލުވެރިޔާ ތަމްޘީލް ކުރާ މީހަކަށެވެ. ވޯޓުލުމަށް ރަޖިސްޓްރީ ކުރާ ފަރާތްތަކަށް 1 (އެކެއް) މީޑީއާ އަށްވުރެ ގިނަ މީޑީއާ ތަމްސީލް ނުކުރެވޭނެއެވެ. ވޯޓުލުމަށް ރަޖިސްޓްރީ ކުރުމަށް އެދޭ ފޯމް ބަލައިގަންނާނީ، މަތީގައިވާ މުއްދަތުގައި ހިމެނޭ ރަސްމީ ބަންދު ދުވަސްތައް ފިޔަވައި، އެހެން ދުވަސްތަކުގެ ހެނދުނު 9:00 ން ފެށިގެން 13:30 އަށް މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސް (ސޯޝަލް ސެންޓަރ) ގެ ރިސެޕްޝަނުންނެވެ. މީގެއިތުރުން، މި މިނިސްޓްރީގެ އީމެއިލް 

 މެދުވެރިކޮށްވެސް ފޯމު ހުށަހެޅޭނެވެ. ހުށަހަޅާ ހުރިހާ ލިޔެކިއުމެއްވެސް ހުންނަންވާނީ ޕީ.ޑީ.އެފް ފޯމެޓްގައެވެ. އިތުރު މައުލޫމާތު ބޭނުންވާނަމަ މިމިނިސްޓްރީގެ ނަންބަރު : 4000419 އާ ގުޅުއްވުން އެދެމެވެ.

       ވީމާ، މިކަން ޢާއްމުކޮށް އެންގުމަށްޓަކައި އިޢުލާނު ކުރީމެވެ.                                                           

މޯލްޑިވްސް މީޑިއާ ކައުންސިލް އިންތިޚާބު (ބައިއިލެކްޝަން) ގައި ވޯޓުލުމަށް ރަޖިސްޓްރީވުމުގެ މުއްދަތު އިތުރުކުރުން

Voter Registration Extended for Maldives Media Council By-Election

ޤާނޫނު ނަންބަރު 2008/15 (މޯލްޑިވްސް މީޑިއާ ކައުންސިލުގެ ޤާނޫނު) ގެ ދަށުން އެކުލަވާލާފައިވާ މޯލްޑިވްސް މީޑިއާ ކައުންސިލަށް، 3 (ތިނެއް) މެންބަރުން އިންތިޚާބު ކުރަން ބޭނުންވެއެވެ. އެއީ އާންމު މެންބަރަކާއި މީޑިއާތައް ތަމްސީލްކުރާ 2 (ދޭއް) މެންބަރުންނެވެ. މި 3 (ތިނެއް) މެންބަރުން ހޮވުމަށް ބާއްވާ އިންތިޚާބު (ބައި އިލެކްޝަން) ގައި، ވޯޓުލާ ފަރާތްތައް ރަޖިސްޓްރީވުމަށް ހުޅުވާލަމެވެ. ރަޖިސްޓްރީވުމަށް ހުށަހަޅަންޖެހޭ ފޯމް، މި އިޢުލާނާއެކުގައި ވާނެއެވެ. މި ފޯމާއެކު އައިޑީ ކާޑުގެ ކޮޕީ ހުށަހަޅަން ޖެހޭނެއެވެ. މޯލްޑިވްސް މީޑިއާ ކައުންސިލް ގެ އިންތިޚާބުގައި ވޯޓުލުމަށް ރަޖިސްޓްރީ ކުރެވޭނީ ރަޖިސްޓްރީކޮށްފައިވާ ނޫސްތަކާއި ބްރޯޑްކާސްޓަރުންގެ މަސްއޫލުވެރިޔާއަށް ނުވަތަ މަސްއޫލުވެރިޔާ ތަމްޘީލް ކުރާ މީހަކަށެވެ. ވޯޓުލުމަށް ރަޖިސްޓްރީ ކުރާ ފަރާތްތަކަށް 1 (އެކެއް) މީޑީއާ އަށްވުރެ ގިނަ މީޑީއާ ތަމްސީލް ނުކުރެވޭނެއެވެ.

     ވޯޓުލުމަށް ރަޖިސްޓްރީ ކުރުމަށް އެދޭ ފޯމް ބަލައިގަންނާނީ، ރަސްމީ ބަންދު ދުވަސްތައް ފިޔަވައި، 2025 އެޕްރީލް 21 - 27 އަށެވެ. މިދުވަސްތަކުގެ ހެނދުނު 9:00 ން ފެށިގެން މެންދުރު 13:30 އަށް މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސް (ސޯޝަލް ސެންޓަރ) ގެ ރިސެޕްޝަނުންނެވެ. މީގެއިތުރުން، މި މިނިސްޓްރީގެ އީމެއިލް 

     ވީމާ، މިކަން އާންމުކޮށް އެންގުމަށްޓަކައި އިޢުލާންކުރީމެވެ.      

ވޯޓުލުމަށް ރަޖިސްޓަރީކުރުމަށް އެދޭ ފޯމް

Voters Registration Form

މޯލްޑިވްސް މީޑިއާ ކައުންސިލް އިންތިޚާބު (ބައިއިލެކްޝަން) ގައި ވޯޓުލާން ރަޖިސްޓްރީވުމަށް ހުޅުވާލުން

Registrations Open for Maldives Media Council By-Election

 ގާނޫނު ނަންބަރު 78/47 (ނޫސް މަޖައްލާ ފަދަ ތަކެތީގެ ޤާނޫނު) ގެ ދަށުން ރަޖިސްޓްރީ ކޮށްފައިވާ ނޫސް މަޖައްލާ ތަކުގެ މިދަންނަވާ މައުލޫމާތު އަޕްޑޭޓް ކުރަން ބޭނުންވެއެވެ.

          ވީމާ، ރަޖިސްޓްރީ ކޮށްފައިވާ ނޫސް މަޖައްލާތަކުގެ، މަތީގައިވާ މައުލޫމާތު، 20 މާރިޗު 2025 ވާ ބުރާސްފަތި ދުވަހުގެ އޮފީސް ބަންދުވުމުގެ ކުރިން، މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސް ގެ އީމެއިލް:  

 އަށް ފޮނުއްވައި ދެއްވުން އެދެމެވެ.

ރަޖިސްޓްރީ ކޮށްފައިވާ މީޑިއާތަކުގެ މައުލޫމާތު އަޕްޑޭޓް ކުރުން

Updating Registered Media Information

  ޤާނޫނު ނަންބަރު 2008/15 (މޯލްޑިވްސް މީޑިއާ ކައުންސިލުގެ ޤާނޫނު) ގެ ދަށުން އެކުލަވާލާފައިވާ މީޑިއާ ކައުންސިލްގެ އާންމު މެންބަރެއްގެ މަގާމު ހުސްވެފައިވާތީ އާއި މީޑިއާތައް ތަމްޘީލްކުރާ މެންބަރެއްގެ މަގާމު 28 އެޕްރީލް 2025 ގައި ހުސްވާތީ އެ ދެމަގާމަށް ދެ މެންބަރުން އިންތިޚާބުކުރުމަށްޓަކައި އިންތިޚާބަށް ކުރިމަތިލުމުގެ ފުރުސަތު ހުޅުވާލަމެވެ.

           އާންމު މެންބަރުންގެ ގޮތުގައި ބަލާނީ މީޑިއާއާ ގުޅުންހުރި އެއްވެސް ދާއިރާއެއްގައި މަސައްކަތް ނުކުރާ ފަރާތްތަކެވެ. ކައުންސިލުގެ މެންބަރުންގެ މުއްދަތަކީ މީލާދީ 2 (ދޭއް) އަހަރެވެ. އެއްވެސް ފަރާތަކަށް ކައުންސިލުގެ މެންބަރުކަމުގައި ވިދިވިދިގެން 2 (ދޭއް) ދައުރު އަދާ ނުކުރެވޭނެއެވެ.

މޯލްޑިވްސް މީޑިއާ ކައުންސިލްގެ ގާނޫނު ގެ 7 (ހަތެއް) ވަނަ މާއްދާގައިވާ ގޮތުން ކައުންސިލްގެ މެންބަރުންގެ ކިބާގައި ތިރިގައިވާ ޝަރުތުތައް ހުންނަންވާނެއެވެ.

(ހ) ދިވެހި ރައްޔިތެއް ކަމުގައިވުން.

(ށ) އުމުރުން 18 (އަށާރަ) އަހަރު ފުރިފައިވުން.

(ނ) އިސްލާމް ދީނުގައި ހައްދެއް ކަނޑައެޅިފައިވާ ކުށެއް ކުރިކަން ޝަރީއަތަށް ސާބިތުވެފައިވާ މީހަކު

(ރ) މަސްތުވާ ތަކެތީގެ ވިޔަފާރި ކުރުމުގެ ކުށް ސާބިތުވެފައިވާ މީހެއްކަމުގައި ނުވުން.

(ބ) ކުޑަކުދިންނަށް ޖިންސީ ގޯނާ ކުރުމުގެ ކުށް ޝަރީއަތަށް ސާބިތުވެފައިވާ މީހެއް ކަމުގައި ނުވުން.

(ޅ) ވޭތުވެދިޔަ 2 (ދޭއް) އަހަރު ތެރޭގައި ޖިނާއީ ކުށެއް ކުރިކަން ޝަރީއަތަށް ސާބިތުވެފައިވާ މީހެއް

(ކ) ޚިޔާނާތުގެ ނުވަތަ ރިޝްވަތުގެ ކުށެއް ކުރިކަން ޝަރީއަތަށް ސާބިތުވެފައިވާ މީހެއްކަމުގައި ނުވުން.

(އ) މުޖްތަމައު ގަބޫލުކުރާ މިންގަނޑުތަކުން އަބުރުވެރި، އަޚުލާގު ރަނގަނޅު މީހެއް ކަމުގައިވުން.

(ވ) ފާއިތުވެދިޔަ 12 (ބާރަ) މަސްދުވަހުގެ ތެރޭގައި ނޫސް މަޖައްލާ އެއްގައި އެމީހަކު ލިޔުނު އެއްޗަކާބެހޭގޮތުން ޝަރީއަތަށް ކުށެއް ސާބިތުވެފައިވާ މީހެއްކަމުގައި ނުވުން.

            އާންމު މެންބަރުންގެ ގޮތުގައި މިނިސްޓަރ ކަނޑައަޅުއްވާ ފަރާތްތައް ކަނޑައެޅުއްވުމުގައި ތިރީގައި މިދަންނަވާ ކަންތައްތަކަށް އިސްކަން ދެވޭނެއެވެ.

(1)   ގާނޫނީ ދާއިރާއިން ނުވަތަ ދިވެހި ބަހުގެ ދާއިރާއަކުން ނުވަތަ އިންސާނީ ހައްގުތަކުގެ ދާއިރާއިން ނުވަތަ ދީނީ އިލްމުގެ ދާއިރާއަކުން މަތީ ތައުލީމު ހާސިލް ކޮށްފައިވުން.

(2)   އިޖުތިމާއީ ތަރައްގީއާއި ދުޅަހެޔޮކަން (ޚާއްސަ ގޮތެއްގައި ކުޑަކުދިންނާއި އަންހެނުންނާ އަދި ނުކުޅެދުންތެރިކަން ހުންނަ މީހުންނަށް އެހީތެރިވުމުގައި) މަސައްކަތްކޮށްފައިވުން.

             ވީމާ، މޯލްޑިވްސް މީޑިއާ ކައުންސިލުގެ މެންބަރުކަމަށް ވާދަކުރަން އެދޭ ފަރާތްތަކުން 20 ފެބްރުއަރީ 2025 ވާ ބުރާސްފަތި ދުވަހުގެ 14:00 ގެ ކުރިން، މިމިނިސްޓްރީގެ ވެބްސައިޓްގައިވާ މީޑިއާ ކައުންސިލްގެ އިންތިޚާބުގައި މެންބަރުކަމަށް ކުރިމަތިލުމަށް އެދޭ ފޯމު" ފުރުއްވައި، އެފޯމާއެކު ހުށަހަޅަންޖެހޭ ތަކެތި، މިނިސްޓްރީ އޮފް ޔޫތު އެންޕަވަރމަންޓް، އިންފޮމޭޝަން އެންޑް އާޓްސް ގެ އީމެއިލް:  

 އަށް ހުށަހެޅުއްވުން އެދެމެވެ. ހުށަހަޅާ ހުރިހާ ލިޔުންތައްވެސް ހުންނަންޖެހޭނީ ޕީޑީއެފް ފޯމެޓަށެވެ.މެންބަރުކަމަށް ކުރިމަތިލުމަށް އެދޭ ފޯމު" އަދި "މައްސަލަ ސާފުކުރާ ފޯމު" އެޓޭޗް ކުރެވިފައިވާނެއެވެ.

މީޑިއާ ކައުންސިލް އިންތިޚާބުގައި މެންބަރުކަމަށް ކުރިމަތިލުމަށް އެދޭ ފޯމް

މައްސަލަ ސާފުކުރާ ފޯމް

މޯލްޑިވްސް މީޑިއާ ކައުންސިލްގެ ބައި އިލެކްޝަނަށް ކުރިމަތިލުމަށް ހުޅުވާލުން

Opening of applications for the Maldives Media Council by-election.

      މި މިނިސްޓްރީން ހިންގާ ޕްރޮގްރާމްތަކުގައި އެކި ދާއިރާތަކުން ނަގައިދޭ ސެޝަންތަކުގައި މަޢުލޫމާތާއި ތަމްރީނުތައް ދޭނޭ ފެސިލިޓޭޓަރުންގެ ޕޫލެއް އެކުލަވާލުމަށް ބޭނުންވެއެވެ.

          ވީމާ، މިޕޫލުގައި ބައިވެރިވުމަށް ޝައުޤުވެރިވާ ފަރާތްތަކަށް ބައިވެރިވުމަށް ފުރުޞަތު ހުޅުވާލަމެވެ.

ފެސިލިޓޭޓާރސް ބޭނުންވާ

 ދާއިރާތަކާއި، އުޖޫރައާއި، ޝަރުޠުތައް

1. ވިޔަފާރިއާއި އިޤްތިޞާދު

6. ފައިނޭންޝަލް ލިޓްރެސީ

7. ޓޫރިޒަމް އަދި ހޮސްޕިޓާލިޓީ

8. ސީ.ވީ ލިޔަން ދަސްކޮށްދިނުން

9. އިންޓަވިއުއަށް ތައްޔާރުކޮށްދިނުން

18. ސައިކޮލޮޖިކަލް ފަރސްޓް އެއިޑް

19. ލައިފް ސްކިލް ޓްރެއިނާސް

21. ހެލްތު ޕްރޮފެޝަނަލްސް

22. ޑައިވިން އަދި ސްނޯކްލިންގް ސްކިލްސް

23. ޕްރޮޖެކްޓް ފައިނެންޝިއަލް މެނޭޖްމަންޓް

24. ބިޒްނަސް ސްޓްރެޓަޖީ އެންޑް އެންޓްރަޕްރިނާޝިޕް

25. ޕްރޮޖެކްޓް ޕްރޮޕޯސަލް ރައިޓިންގ

27. ސިވިކް އެޑިއުކޭޝަން

އުޖޫރަ އަދި ޝަރުޠު (60 މިނިޓްގެ ކޮންމެ ގަޑިއަކަށް)

ގުޅޭ ދާއިރާއަކުން ޕީ.އެޗް.ޑީ ޙާޞިލްކޮށްފައިވުން

ގުޅޭ ދާއިރާއަކުން މާސްޓަރސް ޑިގްރީ ޙާޞިލްކޮށްފައިވުމާއިއެކު 1 އަހަރު ދުވަހުގެ ތަޖުރިބާ ލިބިފައިވުން

ގުޅޭ ދާއިރާއަކުން ބެޗްލާރސް ޑިގްރީ ޙާޞިލްކޮށްފައިވުމާއިއެކު 2 އަހަރު ދުވަހުގެ ތަޖުރިބާ ލިބިފައިވުން

ގުޅޭ ދާއިރާއަކުން ޑިޕްލޮމާ ޙާޞިލްކޮށްފައިވުމާއިއެކު 3 އަހަރު ދުވަހުގެ ތަޢުލީމީ ތަޖުރިބާ ލިބިފައިވުން

ސިޓީއާއި އެކު ހުށަހަޅަން ޖެހޭތަކެތި

-  ސެޝަންތައް އޮންނާނީ ކަނޑައެޅޭ ވަގުތުތަކުގައި މިނިސްޓްރީން ހަދާފައިވާ ޓައިމް ޓޭބަލާއި އެއްގޮތަށެވެ.

-  އިތުރު މަޢުލޫމާތު ބޭނުންފުޅުނަމަ މި މިނިސްޓްރީގެ ނަންބަރު 

ފޯނާއި ގުޅުއްވުން އެދެމެވެ. ނުވަތަ އޮޅުންފިލުވަން ބޭނުންވާ މަޢުލޫމާތު ތިރީގައިވާ މެއިލް އެޑްރެހަށް މެއިލްކޮށްދެއްވުން އެދެމެވެ.

 ޕޫލްއަށް އެޕްލައި ކުރައްވަން ބޭނުންފުޅުވާނަމަ 29 ޑިސެންބަރު 2024 އިން ފެށިގެން 

https://docs.google.com/forms/d/e/1FAIpQLSfkLM9TI-3CH5ybl-8tNHQDGERhSTdFDEJrCNvjvgFPHB_XQQ/viewform?usp=pp_url

ގޫގުލް ފޯމް ފުރުއްވުން އެދެމެވެ. އަދި ހުރިހާ ލިޔެކިޔުންތައް ތިރީގައިވާ އީމެއިލް އެޑްރެސްއަށް ޕީޑީއެފްކޮށް މެއިލްކޮށްދެއްވުން އެދެމެވެ.

އިޢުލާން

މިނިސްޓްރީގެ އާންމު އިޢުލާންތައް