"ޖަމްއިއްޔާތަކުގެ މަހާސިންތާ 2024" ހުވަދު އަތޮޅުއުތުރުބުރީގައި މިމަހު ފަށަން ތައްޔާރުވެއްޖެއެވެ.

މި މަހާސިންތާ އަކީ މަދަނީ ޖަމްއިއްޔާތައް ހިންގުމުގައި ހުރި ދަތިތަކާއި ގޮންޖެހުންތައް ދެނެގަނެ، ހަރުދަނާ މަދަނީ މުޖުތަމައުއެއް ބިނާކޮށް ފަހި ވެއްޓެއް ގާއިމްކުރުމަށް ބޭނުންވާ ކަންކަން ދެނެގަތުމަށް ކުރިއަށް ގެންދިއުމަށް ރާވާފައިވާ މަހާސިންތާއެކެވެ.

މީގެ އިތުރުން ގައުމީ ތަރައްގީއާއި، މުޖުތަމައުގައި (ވަކިވަކި ރަށްރަށުގައި އާއި އަތޮޅު ތެރޭގައި) ހިގަމުންދާ އިޖުތިމާއީ ތަފާތު މައްސަލަތަކުން އަރައިގަތުމަށް ކުރެވޭ މަސައްކަތުގައި ޖަމްއިއްޔާތަކުގެ ދައުރާއި ގުޅޭގޮތުން ހޭލުންތެރިކަން އިތުރުކޮށް، ޖަމްއިއްޔާތައް ގުޅިގެން މަސައްކަތްކުރުމަށް ބާރުއެޅުމަށް ވެސް މި މަހާސިންތާގައި ވަނީ ރާވާފައެވެ.

މި މަހު ގއ. ވިލިގިލީގައި ކުރިއަށް ގެންދިއުމަށް ރޭވިފައިވާ މިހަރާކާތުގެ ބައިވެރިންގެ ތެރޭގައި އަތޮޅަށް ނިސްބައްވާ މަދަނީ ޖަމްޢިއްޔާތަކާއި  ރަށްރަށުގެ ރަށު ކައުންސިލްތަކާއި، އަންހެނުންގެ ތަރައްގީއަށް މަސައްކަތް ކުރާ ކޮމެޓީތަކާއި މިނިސްޓްރީ އޮފް ފެމިލީ އެންޑް ސޯޝަލް ޑިވެލޮޕމެންޓް އަދި މޯލްޑިވްސް ޕޮލިސް ސާވިސްގެ ގއ. އަތޮޅުގައި ހަރަކާތްތެރިވާ މުއައްޒަފުން ހިމެނެއެވެ.

މި މަހާސިންތާގެ މަގުސަތުތައް:

·         ގއ. އަތޮޅުގައި ހަރަކާތްތެރިވާ ޖަމުއިއްޔާ ތަކުގެ ހިންގުން ހަރުދަނާ ކުރުން

·         ޖަމްއިއްޔާ ތަކުގެ މަސައްކަތާއި ގުޅުން ހުރި ސެކްޓަރ ތަކާއި ދެމެދު ގުޅުން ބަދަހިކުރުން

·         އަމާން ވެއްޓެއް ގާއިމް ކުރުމަށް ކުރެވޭ މަސައްކަތުގައި ޖަމްއިއްޔާ ތަކުގެ ދައުރު އިތުރު ކުރުން

·         މުޖުތަމައު ބާރުވެރިކުރުވުމަށް ކަމާއި ކުޅޭ މުއައްސަސާ ތަކުން ކުރާ މަސައްކަތުގައި މަދަނީ ޖަމްއިއްޔާ ތަކުގެ ބައިވެރިވުން އިތުރު ކުރުން.

ޖުމުލަ 60 ބައިވެރިންނާއެކު ތިން ދުވަހުގެ މުއްދަތަށް ކުރިއަށް ގެންދިއުމަށް ރާވާފައިވާ މި މަހާސިންތާ އޮންނާނީ 25-27 މޭއި 2024ގައި ގއ. ވިލިގިލީ ތައުލީމީ މަރުކަޒުގެ ހޯލު ގައެވެ.

މި މަހާސިންތާގައި ޖުމުލަ 6 ފަރާތަކުން ތަފާތު އެކި އެކި މައުލޫއުތަކަށް ސެޝަންތައް ނަގާދިނުމަށް ވަނީ ހަމަޖެހިފައެވެ.

ޖަމްއިއްޔާތަކުގެ މަހާސިންތާ ހުވަދު އަތޮޅުއުތުރުބުރީގައި މިމަހު ފަށަނީ

Introducing NGO Forum in Huvadhoo Atoll

ރަނގަޅު ފެސިލިޓީސްތާއެކު އާ ޔޫތު ސެންޓަރުތައް ގާއިމް ކުރެވިގެންދާއިރު ގިނަ ވަޒީފަތަކެއް ޒުވާނުންނަށް އުފެދިގެންދާނެ ކަމަށް ޒުވާނުން ބާރުވެރިކުރުވުމާއި މައުލޫމާތާއި ފަންނާ ބެހޭ ވަޒީރު އިބްރާހިމް ވަހީދު ވިދާޅުވެއްޖެއެވެ.

ރޭ ބޭއްވި " އަހާ" ފޯރަމްގައި ވާހަކަދައްކަވަމުން މިނިސްޓަރ ވިދާޅުވީ، ރާއްޖޭގައި ހިންގަމުންދާ ޔޫތު ސެންޓަރުތައް ހުރީ އެންމެ ކުރީ މޮޑެލްގައި ކަމަށާއި އެތަންތަނުގައި މިހާރު ރާއްޖޭގެ ޒުވާނުން ކުޅެ ހަދަ އަދި މުނުފޫހިފިލުވަން ބޭނުންވާ އެންމެ ރަނގަޅު ވަސީލަތްތައް ނެތް ކަމަށެވެ.

ނަމަވެސް އަލަށް ގާއިމުކުރާ ޔޫތު ސެންޓަރުތަކަކީ ދިވެހި ޒުވާނުން އެދޭ ފެންވަރުގައި ގާއިމް ކުރާ ސެންޓަރުތަކެއް ކަމަށާއި އެތަނުން ޒުވާނުންނަށް ވަޒީފާގެ އިތުރު ފުރުސަތުތައް ފަހިވެގެންދާނެ ކަމަށް މިނިސްޓަރު ފާހަގަކުރެއްވިއެވެ.

"ރައީސުލްޖުމްހޫރިއްޔާގެ އިސްނެންގެވުމާއި އެއްކޮށް އަލަށް ތިޔަ ބޭފުޅުންނަށް ލިބިވަޑައިގަންނަވާ ޔޫތު ސެންޓަރުތައް އަޅުގަނޑު ގަބޫލު ކުރާގޮތުގައި ދިވެހި ޒުވާނުން އެދޭ ފެންވަރުގައި ގާއިމް ކުރެވިގެންދާއިރު، ވަޒީފާގެ އިތުރު ފުރުސަތުތައް މިތަނުގައި ފަހިވެގެން." މިނިސްޓަރ ވިދާޅުވިއެވެ.

މިނިސްޓަރ އިތުރަށް ވިދާޅުވީ، ރަށްރަށުގައި ހުންނަ ޔޫތު ސެންޓަރުތަކުގައި ތިބޭ މުވައްޒަފުންގެ ވަޒީފާ ވެގެންދާނީ ދާއީމި ވަޒީފާތަކަކަށް ކަމަށެވެ.

މިނިސްޓަރ ވަނީ ވަޒީފާގެ ފުރުސަތު ޒުވާނުންނަށް ފަހިކޮށްދިނުމަށް ވަރަށް ގިނަ މަސައްކަތްތައް މިހާރު ވެސް ކުރައްވަމުން ގެންދަވާކަން ފާހަގަކުރައްވާފައެވެ.

ދިވެހި ޒުވާނުންނަށް ދޭން ބޭނުންވާ ޔަގީންކަމަކީ ރައީސް އަދި ކެބިނެޓުން ނިންމަވާ ކަންތަކަކީ ޒުވާނުން ބައިވެރިވުން އޮންނަ ނިމުން ތަކަކަށް ވާނެ ކަން." މިނިސްޓަރ ވިދާޅުވިއެވެ.

އާ ޔޫތު ސެންޓަރުތައް ގާއިމް ވެގެންދާއިރު ދާއީމީ ގިނަ ވަޒީފާތަކެއް ޒުވާނުންނަށް އުފެދިގެން ދާނެ: މިނިސްޓަރ

The staff at island youth centers will receive permanent positions: Minister

މިނިސްޓްރީ އޮފް ޔޫތު އެމްޕަވާމަންޓް، އިންފޮމޭޝަން އެންޑް އާރޓްސްގެ "ނެޝަނަލް އެޕްރެންޓިސްޝިޕް ޕްރޮގުރާމް"ގެ ދަށުން މެރިއޮޓް އިންޓަނޭޝަނަލްގެމެރިއޮޓް އިންޓަނޭޝަނަލް މޯލްޑިވްސް އެޕްރެންޓިސްޝިޕް ޕްރޮގުރާމްގެ ދަށުން އައްޑޫ ސިޓީގައި އޯޕަން ޑޭ އެއް ބާއްވަން ނިންމައިފިއެވެ.

އޯޕަން ޑޭ ބޭއްވުމަށް ހަމަޖެހިފައިވަނީ އައްޑޫ ސިޓީ ހިތަދޫގައި ހުންނަ އައްޑޫ ހައި ސްކޫލުގައި މިމަހު 29 އަދި 30 ވަނަ ދުވަހުއެވެ.

މި އޯޕެންޑޭ ކުރިއަށް ދާނީ އެދުވަސްތަކުގެ ހެނދުނު 10:00 އިން 15:00އަށެވެ.

ނެޝަނަލް އެޕްރެންޓިސްޝިޕް ޕްރޮގުރާމްގެ ދަށުން މެރިއޮޓް އިންޓަނޭޝަނަލްގެ ދެވަނަ ބެޗުގައި ތަމްރީނުވުމަށް ހުޅުވާލާފައިވަނީ މިމަހު 17 ވަނަ ދުވަހުއެވެ.

ދެވަނަ ބެޗުގައި ބައިވެރިވުމަށް ހުޅުވާލާފައިވާއިރު މި ޕްރޮގްރާމުގައި ރަޖިސްޓްރީވުމަށް 

 އަށް ވަނަވަރު މެއިލް ކުރައްވާށެވެ.

މިއަހަރު މެރިއޮޓް އިންޓަނޭޝަނަލް މޯލްޑިވްސް ރިސޯޓްތަކުގެ 7 ޕްރޮޕަޓީއަކުން 100 އަށް ވުރެ ގިނަ އެޕްރެންޓިސްޝިޕް ސްލޮޓް ދިނުމަށް ވަނީ ހަމަޖެހިފައެވެ.  

މި ޕްރޮގުރާމުގެ ބައިވެރިންނަށް މަހުން މަހަށް ދޭ އެލަވަންސާއި ކެއުމާއި ހުރުން ވެސް ހަމަޖެހިގެންދާއިރު ޕްރޮގްރާމް ނިމުމުން ގްރެޖުއޭޓުވާ ފަރާތްތަކަށް އެމްއެންއެސްޑީއޭ އިން ނެޝަނަލް ސެޓްފިކެޓް އެމްއެންކިއުއެފް ލެވެލް 3ގެ ލިބިގެންދާނެއެވެ.

ނެޝަނަލް އެޕްރެންޓިސްޝިޕް ޕްރޮގުރާމަކީ މަސައްކަތުގެ މާހައުލުގައި ތިބެގެން އެ މަސައްކަތުގެ ތަޖުތިބާކާރުންގެ ބެލުމުގެ ދަށުން މަސައްކަތްތައް ދަސްކޮށް، ތަމްރީނާއި ތަޖުރިބާ ހޯދުމުގެ ފުރުސަތު ގައުމީ ފެންވަރުގައި ހުޅުވާލައިގެން ކުރިއަށްގެންދާ ޕްރޮގުރާމެކެވެ.

މިޕްރޮގްރާމްތައް ހިންގާނީ މޯލްޑިވްސް ނެޝަނަލް ސްކިލްސް ޑިވެލޮޕްމެންޓް އޮތޯރިޓީގެ ނެޝަނަލް ސްޓޭންޑަރޑްތަކާ އެއްގޮތަށެވެ.

ނެޝަނަލް އެޕްރެންޓިސްޝިޕް ޕްރޮގްރާމްގެ ދަށުން ތަމްރީނުތައް ކުރިޔަށް ދާނީ މައިގަނޑު 6 ދާއިރާއަކަށް ހާއްސަ ކުރެވިގެންނެވެ. އޭގެ ތެރޭގައި ފަތުރުވެރިކަމުގެ ދާއިރާ، ދަތުރުފަތުރުގެ ދާއިރާ، އިމާރާތްކުރުމުގެ ދާއިރާ، އިޖްތިމާއީ ދާއިރާ، މަސްވެރިކަމާއި ދަނޑުވެރިކަމުގެ ދާއިރާ، އަދި އިންފޮމޭޝަން، ކޮމިޔުނިކޭޝަން ޓެކްނޮލޮޖީ ދާއިރާ ހިމެނެއެވެ.

ނެޝަނަލް އެޕްރެންޓިސްޝިޕް ޕްރޮގުރާމްގެ ދަށުން މެރިއޮޓް އިންޓަނޭޝަނަލްގެ ފުރަތަމަ ބެޗްގެ ބައިވެރިން މާރޗް މަހުގެ ތެރޭގައި 43 ޒުވާނުން ގްރެޖުއެޓުވިއިރު އޭގެ ތެރެގައި 21 ޒުވާނުންނަށް ވަޒީފާ ވަނީ ޔަގީންވެފައެވެ. 

  މި ޕްރޮގްރާމާއި ގުޅޭގޮތުން އިތުރު މަޢުލޫމާތު ހޯއްދެވުމަށް 1456 އަށް ރަސްމީ ގަޑީގައި ގުޅުއްވުން އެދެމެވެ. 

މެރިއޮޓް އިންޓަނޭޝަނަލް މޯލްޑިވްސް އެޕްރެންޓިސްޝިޕް ޕްރޮގުރާމް އައްޑޫއަށް 

Marriott International Maldives Apprenticeship Program to Addu

މިނިސްޓްރީ އޮފް ޔޫތު އެމްޕަވާމަންޓް، އިންފޮމޭޝަން އެންޑް އާރޓްސްއިން ހިންގާ "ނެޝަނަލް އެޕްރެންޓިސްޝިޕް ޕްރޮގުރާމް"ގެ ދަށުން މެރިއޮޓް އިންޓަނޭޝަނަލްގެ ދެވަނަ ބެޗުގައި ތަމްރީނުވުމަށް ހުޅުވާލައިފިއެވެ.

ދެވަނަ ބެޗުގައި ބައިވެރިވުމަށް މިއަދު ހުޅުވާލާފައިވާއިރު މި ޕްރޮގްރާމުގައި ރަޖިސްޓްރީވުމަށް 

މި ޕްރޮގުރާމުގެ ދަށުން އޯޕެން ޑޭ ބޭއްވުމަށް ވަނީ ހަމަޖެހިފައެވެ. އޯޕެން ޑޭ ބޭއްވުމަށް ހަމަޖެހިފައިވަނީ މޯލްޑިވްސް އިންޓިޓިއުޓް އޮފް ޓެކްނޮލޮޖީގައި މާދަމާ 11:30 އިން 15:00 އަށެވެ. ޝައުގުވެރިވާ ފަރާތްތަކަށް މި އޯޕެން ޑޭގައި މި ޕްރޮގްރާމާ ބެހޭ އިތުރު މައުލޫމާތު ލިބި، އެޕަރެންޓް އަށް ރަޖިސްޓްރީ ކުރެވޭނެއެވެ.

މި ޕްރޮގުރާމުގެ މަގުސަދު ތަކުގެ ތެރޭގައި މަސައްކަތްތެރިކަމުގެ ދާއިރާގެ ތަމްރީނު ހޯދުމަށް ޝައުޤުވެރިވާ ޒުވާނުންނަށް މަސައްކަތްތެރިކަމުގެ ދާއިރާއިން ސަރުކާރު ޤަބޫލުކުރާ ފެންވަރުގެ ތަމްރީނު ހޯދުމުގެ ފުރުޞަތު ފަހިކޮށްދިނުން ހިމެނެއެވެ.

މީގެ އިތުރުން މި ޕްރޮގްރާމް ފުރިހަމަކުރާ ފަރާތްތަކަށް މަސައްކަތްތަކާއި ގުޅޭގޮތުން ނެޝަނަލް ކޮމްޕިޓެންސީ ބޭސްޑް ޓްރެއިނިންގް ސްޓެންޑާރޑް ތަކުގައި ހިމަނާފައިވާ ހުރިހާ ކޮމްޕިޓެންސީއެއް ހާސިލްކުރެވިފައިވޭތޯ ބަލައި، ކަށަވަރުކުރުމަށްފަހު، ތަމްރީން ފުރިހަމަކުރި ކަމުގެ ޤައުމީ ސަނަދު ދޫކުރުން މި ޕްރޮގުރާމުގެ މަގުސަދު ތަކުގެ ތެރޭގައި ހިމެނެއެވެ.

ހަމައެހެންމެ މަސައްކަތްތެރިކަމުގެ ދާއިރާގައި މިހާރު ހަރަކާތްތެރިވާ ބިދޭސީންގެ އަދަދު މަދުކޮށް، އެވަޒީފާތައް އަދާކުރުމަށް އިތުބާރާއިއެކު، މަސައްކަތްކުރެވޭނެ ފެންވަރުގެ ހުނަރުވެރި ދިވެހި ޒުވާން މަސައްކަތްތެރީންތަކެއް ވަޒީފާގެ ބާޒާރަށް ނެރުން ވެސް މި ޕްރޮގްރާމުގެ މަގުސަދުތަކުގެ ތެރޭގައި ހިމެނެއެވެ.

އަދި ތެދުވެރިކަމާއި، ނަޒާހަތްތެރިކަމާއިއެކު އަމިއްލަ މަސައްކަތުން ދިރިއުޅުމުގެ ޚަރަދުބަރަދު ހަމަޖައްސާލެވޭނެ މިންވަރުގެ އާމްދަނީއެއް ހޯދައި، އަބުރުވެރިކަމާއިއެކު ދިރިއުޅެވޭނެމަގު ޒުވާން ދިވެހީންނަށް ފަހިކޮށްދިނުމަކީ ވެސް މިޕްރޮގުރާމުގެ މަގްސަދެކެވެ.

ނެޝަނަލް އެޕްރެންޓިސްޝިޕް ޕްރޮގުރާމްގެ ދަށުން މެރިއޮޓް އިންޓަނޭޝަނަލްގެ ދެވަނަ ބެޗުގައި ތަމްރީނުވުމަށް ހުޅުވާލައިފި

Applications are now open for the next batch of the National Apprenticeship Program 

"ޒުވާނުންގެ ބަދިގެ"ގެ ނަމުގައި މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސްއިން ކައްކާ ޕްރޮގުރާމެއް ފަށަން ތައްޔާރުވެއްޖެ އެވެ.

މި ޕްރޮގްރާމް ހިންގުމުގެ މަގްސަދަކީ ކެއްކުމުގެ ދާއިރާއަށް ޝައުގުވެރިކަން ހުންނަ ޒުވާނުންނަށް މި ދާއިރާއިން ކުރިޔަށް ދިޔުމަށް ފުރުސަތުތައް ފަހިކޮށްދިނުމާއި، ދާއިރާގެ އިލްމީ އަދި ތަޖުރިބާހުރި ބޭފުޅުންގެ ފަންނީ މައުލޫމާތުތައް ރާއްޖޭގެ އެކި ކަންކޮޅުތަކުގައި ދިރިއުޅޭ ޒުވާނުންނަށް ހިއްސާކުރުމެވެ.

ޕްރޮގްރާމް ހިންގުމަށް ހަމަޖެހިފައިވަނީ ދިވެހިރާއްޖޭގެ ގައުމީ ޔުނިވާސިޓީގެ ފެކަލްޓީ އޮފް ހޮސްޕިޓާލިޓީ އެންޑް ޓޫރިޒަމް ސްޓަޑީޒް ގައެވެ.

މި ޕްރޮގްރާމް ކުރިޔަށްދާނީ 4 އެޕިސޯޑަކަށް ބަހާލައިގެން ތަފާތު 4 ވައްތަރުގެ ކެއުން ތައްޔާރު ކޮށްގެންނެވެ.

އެޕިސޯޑު ދެއްކުމަށް ހަމަޖެހިފައިވާ ދުވަސްތައް:

· އެޕިސޯޑު 1 : 27 މާރޗް 2024

· އެޕިސޯޑު 2 : 30 މާރޗް 2024

· އެޕިސޯޑު 3 : 3 އެޕްރީލް 2024

· އެޕިސޯޑު 4 : 10 އެޕްރީލް 2024

މި ޕްރޮގުރާމު ދެއްކުމަށް ހަމަޖެހިފައިވަނީ އަސްލު ޓީވީ އިންނެވެ. މި ޕްރޮގްރާމް ކުރިޔަށްގެންދާނީ ތަޖުރިބާކާރު ޒުވާން ޝެފެއް ކަމަށްވާ މުމީތު އާއެކުގައެވެ.

"ޒުވާނުންގެ ބަދިގެ" ނަމުގައި ކައްކާ ޕްރޮގުރާމެއް ފަށަނީ

Ministry Launches 'Zuvaanunge Badhige' Cooking Program

ހަފްތާ 14ގެ މަގުޗާޓުގައި މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސްއަށް މަތިކޮށްފައިވާ ސިޔާސަތު ކަމަށްވާ ކޯޑިންގެ ދާއިރާއިން ދުނިޔޭގެ ބާޒާރުގައި ދިވެހި ޒުވާނުން ކުރިޔަށް ދިޔުމަށް ބޭނުންވާ ހުނަރުތައް ތަރައްގީކޮށްދީމަށް ޕްރޮގްރާމްތައް ހިންގައިފިއެވެ.

މިގޮތުން ކޯޑިން ދާއިރާއިން ކޯސްތަކެއް ހިނގަމުންދާއިރު ނެޝަނަލް ސެޓްފިކެޓް 3، ނެޝަނަލް އެޑްވާންސް ސެޓްފިކެޓްގެ އިތުރުން ނެޝަނަލް ޑިޕްލޮމާ އަދި ޑިގްރީ ޕްރޮގްރާމަށް ކިޔަވައިދިނުމަށް ވަނީ ހަމަޖެހިފައެވެ.

މީގެ އިތުރުން ކޯޑިން ދާއިރާއިން އަންހެނުންނާއި ޒުވާނުން ތަމްރީނުކުރުމަށް "ޔޫތު ހެކް 2024" ގެ ނަމުގައި ހެކަތޯންއެއް ވަނީ ބާއްވާފައެވެ. 

މި ހެކަތޯންގައި ޖުމްލަ 10 ޓީމެއް ބައިވެރިވިއިރު އޭގެ ތެރޭގައި އަންހެން ބައިވެރިންގެ ދެ ޓީމަކުން ވަނީ ބައިވެރިވެފައެވެ. އަދި މި ހެކްތޯންގައި ޖުމްލަ 13 އަންހެން ބައިވެރިއަކު ވަނީ ބައިވެރިވެފައެވެ. މި ހެކަތޯން ކުރިއަށް ގެންގޮސްފައިވަނީ ދެ ދުވަހުގެ މުއްދަތަކަށެވެ. 

މި ހެކަތޯންއިން އެއްވަނަ އަށް ދިޔައީ "ފަންނުވެރިން"ގެ ޓީމެވެ. މި ޓީމަށް 100،000 ރުފިޔާގެ ފައިސާގެ އިނާމު ވަނީ ދީފައެވެ. 

މި ހެކަތޯންގެ ރަނަރަޕް ޓީމަކަށް ހޮވާފައިވަނީ "ހަފްލާ" އެވެ. އަދި ތިން ވަނަ ޓީމަކަށް ހޮވާފައިވަނީ "ޓީމު ބްރައިޓް މައިންޑްސް އެޑިއުކޭޝަން" އެވެ.

މި ހެކަތޯންގައި 3 ދާއިރާއަށް ޕިޗް ކުރުމަށް ހުޅުވާލިއެވެ. އެއީ މެންޓަލް ހެލްތާއި އިނޯވޭޓިވް މާކެޓްޕްލޭސް އަދި ކްރިއޭޓަރ އެކޮނޮމީއެވެ. 

ހަފްތާ 14: ކޯޑިން ދާއިރާއިން އަންހެނުންނާއި ޒުވާނުން ތަމްރީނުކުރުން!

Hafthaa 14: Training Women and Youth in Coding 

މިނިސްޓްރީ އޮފް ޔޫތު އެމްޕަވާމަންޓް، އިންފޮމޭޝަން އެންޑް އާރޓްއިން ހިންގި "ނެޝަނަލް އެޕްރެންޓިސްޝިޕް ޕްރޮގުރާމް " ގެ ދަށުން 43 ޒުވާނުން ގްރެޖްއޭޓް ވެއްޖެއެވެ.

ޝެރަޓަން މޯލްޑްވްސް ފުލްމޫން ރިސޯޓު އެންޑް ސްޕާފައި ބޭއްވި މި ރަސްމިއްޔާތުގައި ގްރެޖުއޭޓުންނަށް ސެޓްފިކެޓު ހަވާލުކޮށްދެއްވީ މިނިސްޓަރ އޮފް ޔޫތު އެމްޕަވާމަންޓް، އިންފޮމޭޝަން އެންޑް އާރޓް އިބްރާހިމް ވަހީދެވެ.

މިނިސްޓްރީއާއި މެރިއަޓްއާ ގުޅިގެން ހިންގި މި ޕްރޮގުރާމުގައި 43 ޒުވާނުން ގްރެޖުއެޓުވިއިރު އޭގެ ތެރެގައި 21 ޒުވާނުންނަށް ވަޒީފާ ވަނީ ޔަގީންވެފައެވެ.

ގްރެޖުއޭޓުވި ދާއިރާތައް:

·         ނެޝަނަލް ސެޓްފިކެޓް 3 އިން ފްރޮންޓް އޮފިސް

·         ނެޝަނަލް ސެޓްފިކެޓް 3 އިން ހައުސްކީޕިން

·         ނެޝަނަލް ސެޓްފިކެޓް 3 އިން ލޯންދަރީ ސާވިސަސް

·         ނެޝަނަލް ސެޓްފިކެޓް 3 އިން ކޮމާޝަލް ކުކަރީ

·         ނެޝަނަލް ސެޓްފިކެޓް 3 އިން ޕޭސްޓްރީ އެންޑް ބޭކަރީ

·         ނެޝަނަލް ސެޓްފިކެޓް 3 އިން ލައިފް ގާޑިން

·         ނެޝަނަލް ސެޓްފިކެޓް 3 އިން ބަރިސްޓާ

·         ނެޝަނަލް ސެޓްފިކެޓް 3 އިން އިލެކްޓްރިކަލް އިންސްޓްލޭޝަން އެންޑް މެއިންޓެއިންސް

·         ފުޑް އެންޑް ބެވަރޭޖް ސާވިސަސް

މި ޕްރޮގުރާމް ހިންގާފައި ވަނީ:

·         ޝެރަޓަން މޯލްޑިވްސް

·         ޖޭޑަބްލިއު މެރިއޮޓް މޯލްޑިވްސް

·         ލެ މެރިޑިއަން މޯލްޑިވްސް

·         ރިޓްސް ކާރްލްޓޮން މޯލްޑިވްސް

·         އެސްޓީ. ރެގިސް މޯލްޑިވްސް

·         ޑަބްލިއު މޯލްޑިވަސް

·         ވެސްޓިން މޯލްޑިވްސް

މި ޕްރޮގުރާމުގައި މޯލްޑިވްސް އިންސްޓިއުޓިއުޓް އޮފް ޓެކްނޮލޮޖީން މުހިންމު ދައުރެއް ވަނީ އަދާކޮށްފައެވެ.

މި ޕްރޮގުރާމުގެ މަގުސަދު ތަކުގެ ތެރޭގައި މަސައްކަތްތެރިކަމުގެ ދާއިރާގެ ތަމްރީނު ހޯދުމަށް ޝައުޤުވެރިވާ ހުރިހާ އުމުރެއްގެ ދިވެހީންނަށް މަސައްކަތްތެރިކަމުގެ ދާއިރާއިން ސަރުކާރު ޤަބޫލުކުރާ ފެންވަރުގެ ތަމްރީނު ހޯދުމުގެ ފުރުޞަތު ފަހިކޮށްދިނުން ހިމެނެއެވެ.

ނެޝަނަލް އެޕްރެންޓިސްޝިޕް ޕްރޮގުރާމް: 43 ޒުވާނުން ގްރެޖްއޭޓްވެއްޖެ

National Apprenticeship Program: 43 Youth Graduate

ހަފްތާ 14ގެ މަގުޗާޓުގައި މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސްއަށް މަތިކޮށްފައިވާ ސިޔާސަތުގެ ތެރެއިން ފަންނިއްޔާތުގައި އަންހެނުންގެ ދައުރު ފުޅާކުރުމަށް ގައުމީ ހަރަކާތްތަކެއް ހިންގައިފިއެވެ.

މިގޮތުން ފަންނިއްޔާތުގައި އަންހެނުންގެ ދައުރު ފުޅާކުރުމުގެ ގައުމީ ޕްރޮގުރާމު ފެށުމުގެ ގޮތުން "ފަންނިއްޔާތު" ވޯކް-އިން ސެޝަންތަކެއް ވަނީ ބާއްވާފައެވެ. މި ސެޝަންގައި ފަންނިއްޔާތުގެ ދާއިރާއިން އަންހެނުންނަށް ކުރިއަށްދިއުމަށް ހުޅުވާލާ ފުރުސަތުތަކާ ގުޅޭގޮތުން ވަނީ މައުލޫމާތު ފޯރުކޮށްދީފައެވެ.

އަދި ކޯޑިންގ އާއި، ފަންނިއްޔާތުގެ ދާއިރާއިން 500 ޒުވާނުން ތަމްރީނުކުރުމުގެ ޕްރޮގުރާމުގެ ތެރެއިން ވަކި އިންސައްތައެއް އަންހެނުންނަށް ހާއްސަކުރުމަށް ވެސް ވަނީ ހަމަޖެހިފައެވެ.

މީގެ އިތުރުން ކޯޑިން ދާއިރާއިން އަންހެނުންނާއި ޒުވާނުން ތަމްރީނުކުރުމަށް "ޔޫތު ހެކް 2024" ގެ ނަމުގައި، މާރޗް މަހުގެ 2 އިން   3އަށް ހެކަތޯންއެއް ވަނީ ބާއްވާފައެވެ.

ދެ ދުވަހަށް ދެމިގެން ދިޔަ މި ހެކަތޯންގައި ޖުމްލަ 10 ޓީމެއް ބައިވެރިވިއިރު އޭގެ ތެރޭގައި އަންހެން ބައިވެރިންގެ ދެ ޓީމެއް ހިމެނެއެވެ. އަދި މި ހެކްތޯންގައި ޖުމްލަ 13 އަންހެން ބައިވެރިއަކު ވަނީ ބައިވެރިވެފައެވެ.  

ހަމައެހެންމެ ޒުވާނުންނަށް އަމާޒުކޮށްގެން ފަންނުގެ ދާއިރާއިން އަންހެނުންނާއި ޒުވާނުން ބާރުވެރިކުރުމަށް އަދި އެފަރާތްތަކުގެ ހުނަރު ގިނަ ބަޔަކަށް ދައްކާލުމުގެ ގޮތުން މިނިސްޓްރީން ވަނީ "ފަންނީއުފާ"ގެ ނަމުގައި ހަރަކާތެއް ހިންގާފައެވެ. 

މިއީ ސިލްސިލާކޮށް ކޮންމެ މަހަކު އެއް ފަހަރު އޮންނަ ހަރަކާތެކެވެ. މި ހަރަކާތް މާލޭގެ އިތުރުން އަތޮޅު ތެރޭގައި ވެސް ކުރިއަށް ގެންދިއުމަށް ވަނީ ހަމަޖެހިފައެވެ.

މި ހަރަކާތްތަކުގެ ނަތީޖާއެއްގެ ގޮތުން ފަންނުވެރިކަމުގެ ދާއިރާގައި އަންހެނުންގެ ދައުރު ފުޅާވެގެން ދިޔައެވެ.

ހަފްތާ 14: ފަންނިއްޔާތުގައި އަންހެނުންގެ ދައުރު ފުޅާކުރުން!

Hafthaa 14: Expanding Women's Role in Art & Technology

ފަންނުވެރިކަން ކުރިއެރުވުމުގެ ގޮތުން، ކުރެހުމާއި ފަންނުވެރިކަން ދަސްކޮށްދޭ ޕްރޮގުރާމެއް ވަނީ ފަށާފައެވެ.

މި ޕްރޮގްރާމަކީ މިނިސްޓްރީ އޮފް ޔޫތު އެންޕަވާމަންޓް އިންފޮމޭޝަން އެންޑް އާރްޓްސް އާއި މޯލްޑިވްސް ޕޮލީޓެކްނިކްއާ ގުޅިގެން ކުރިއަށް ގެންދާ ޕްރޮގްރާމެކެވެ.

ޖުމްލަ 18 ބައިވެރިންނާއެކު ފެށި މި ޕްރޮގުރާމު ހިންގަނީ މޯލްޑިވްސް ޕޮލީޓެކްނިކް މާލެ ކެމްޕަހުގައެވެ.

މީގެ އިތުރުން ގދ. ގައްދޫގައި އަތްތެރި މަސައްކަތުގެ ކޯހެއް ވެސް ދަނީ ކުރިއަށް ގެންދަމުންނެވެ. މި ކޯހުގައި ޖުމްލަ 25 ވަނީ ބައިވެރިވެފައެވެ.

މި ކޯސްތައް ފުރިހަމަ ކުރާ ބައިވެރިންނަށް ލެވެލް 3 ގެ ސެޓްފިކެޓް ދިނުމަށް ވަނީ ހަމަޖެހިފައެވެ.

ހަފްތާ 14: ކުރެހުމާއި ފަންނުވެރިކަން ދަސްކޮށްދޭ ޕްރޮގުރާމެއް ފެށުން!

Hafthaa 14: Launching a Program in Arts!

ޒުވާނުން ކުރާ މަސައްކަތްތައް ކުރިއެރުވުމަށް އޮފީސް މާހައުލެއް ހޯދަދެއްވާނެކަމަށް ޒުވާނުން ބާރުވެރިކުރުވުމާއި މަޢުލޫމާތާއި ފަންނާބެހޭ ވަޒީރު އިބްރާހިމް ވަޙީދު ވިދާޅުވެއްޖެއެވެ. 

ވަޒީރު މިފަދައިން ވިދާޅުވީ އެ ވުޒާރާއިން ކުރިއަށްގެންދެވި މޯލްޑިވްސް ޔޫތު ހެކަތޯން ނިންމުމަށް ބޭއްވި ރަސްމިއްޔާތުގައި ވާހަކަފުޅުދައްކަވަމުންނެވެ.

ހެކަތޯން ނިންމުމަށް ބޭއްވި ރަސްމިއްޔާތުގައި ޒުވާނުން ބާރުވެރިކުރުވުމާއި މަޢުލޫމާތާއި ފަންނާބެހޭ ވަޒީރު އިބްރާހިމް ވަހީދު ވިދާޅުވީ ޒުވާނުންގެ ހުރި ޚިޔާލުތައް ކުރިއަރުވާ އެކި މަޝްރޫޢޫތައް ކުރިއަށް ގެންދިޔުމުގައި ސަރުކާރުން އެހީތެރިވެދެއްވާނެކަމަށެވެ. އަދި ޒުވާނުން ބޭނުންވާ މަސައްކަތްތަކުގެ ޚިޔާލުތައް ގެއްލުވާނުލާ ކުރިއަށް ގެންދިއުމަށްވެސް ވަޒީރު އިލްތިމާސްކުރެއްވިއެވެ. 

ޒުވާނުންނަށް ދިމާވާ އުނދަގޫތައް ފާހަގަކުރައްވާ ވަޒީރު ވަނީ ޒުވާނުން ބޭނުންވާ މަސައްކަތް ކުރާނެ ތަނެއް ނެތުމުގެ ކަންބޮޑުވުން އޮތްކަން ފާހަގަކުރައްވާފައެވެ. އަދި އެކަން ހައްލުކުރަން މި ސަރުކާރުން ދިވެހި ޒުވާނުންނަށް މަސައްކަތް ކުރެވޭނެ އޮފީސް މާހައުލެއް ފަހިކޮށްދެއްވާނެކަމަށްވެސް ވަޒީރު ވިދާޅުވިއެވެ.

" އަޅުގަނޑުމެން ބޭނުންވަނީ ޒުވާނުންގެ ޚިޔާލާއެކު ހިއްލާލަދޭނެ ވިޔަފާރިވެރިން. ވީހާވެސް ގިނަ ހެކަތޯންތައް ބާއްވާ ޚިޔާލުތައް ހުށައަޅާ ރަނގަޅު ފެންވަރުގެ ޕްރޮޑަކްޓްތައް ނެރެވިދާނެ. ވީވަރަކުން ބަލާނަން އަޅުގަނދުމެންގެ ސަޕޯޓް ދެވޭތޯ." ޒުވާނުން ބާރުވެރިކުރުވުމާއި މަޢުލޫމާތާއި ފަންނާ ބެހޭ ވަޒީރު އިބްރާހިމް ވަހީދު ވިދާޅުވިއެވެ. 

މި ރަސްމިއްޔާތުގައި މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ ވަޒީރު ޑރ. މަރިޔަމް މާރިޔާ ވަނީ އިންފޮމޭޝަން ޓެކްނޮލޮޖީގެ ދާއިރާގެ އިތުރުން ރާއްޖެއަށް ބޭނުންތެރި އެހެނިހެން ދާއިރާތަކުން ކުރިއަށްދިއުމަށް އިލްތިމާސްކުރައްވާފައެވެ. އެގޮތުން އައު ވިސްނުންތަކާއެކު މުޖުތަމަޢުގައި ހުރި މައްސަލަތައް ހައްލުކުރުމަށް އެއްބާރުލުން ދިނުމަށްވެސް އެކަމަނާ އެދިވަޑައިގެންނެވިއެވެ. 

"އަޅުގަނޑު ބުނެލަން ބޭނުންވަނީ ރާއްޖޭގެ ސިއްހީ ދާއިރާއި، ތިމާވެށީގެ ދާއިރާއާއި އސްރަށްވެހިންގެ މައްސަލަތަކަށްވެސް ބަލާށޭ. އެކިއެކި މައްސަލަތަކަށް ބައްލަވާ ހައްލު ހޯދުމަށް ތި ޒުވާނުންގެ ހިތްވަރާއި އެއްބާރުލުމާއި ވިސްނުން ބޭނުން ކުރަމާ ހިނގާށޭ." މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ ވަޒީރު ޑރ. މަރިޔަމް މާރިޔާ ވިދާޅުވިއެވެ. 

ދެދުވަހުގެ މުއްދަތަށް ކުރިއަށް ގެންދިޔަ މި ހެކަތޯންގައި ޖުމްލަ 10 ޓީމެއް ބައިވެރިވެ ޚިޔާލު ހުށައަޅާފައިވެއެވެ. މި ހެކަތޯންއަކީ 30 ގަޑި އިރަށް ކުރިއަށް ގެންދިޔަ ހެކަތޯންއެކެވެ. ހެކަތޯން ނިންމުމުގެ ރަސްމިއްޔާތުގައި ހެކަތޯންގެ އެއްވަނަ ހާސިލްކުރި "ފަންނުވެރިންނަށް" ވަނީ 100000 ރުފިޔާގެ އިނާމެއް ދީފައެވެ. މި އިނާމް ހަވާލުކޮށްދެއްވީ މަތީ ތައުލީމާ ބެހޭ ވަޒީރު ޑރ. މާރިޔާއެވެ. 

މި ހެކަތޯންގައި 3 ދާއިރާއަށް ޕިޗް ކުރުމަށް ހުޅުވާލިއެވެ. އޭގެތެރޭގައި ނަފުސާނީ ދުޅަހެޔޮކަމާއި ސިއްހަތަށް އަމާޒުކޮށްގެން ޓެކްނޮލޮޖީ ބޭނުން ކޮށްގެން އުފެއްދުންތެރި ސޮލިއުޝަންތަކެއް އުފެއްދުމަށާއި ޑިޖިޓަލް ގާބިލުކަން އިތުރުކޮށް، ވިޔަފާރީގެ ކުރިއެރުމަށް މަގުފަހިކޮށްދޭ އީ- ކޮމާސް ސްޓްރެޓެޖީތައް އެކުލަވާލުން ހިމެނެއެވެ..

ޚަބަރުތައް

މިނިސްޓްރީގެ އެންމެ ފަހުގެ ޚަބަރުތައް