   މިއީ ދިވެހިރާއްޖޭގެ ޖަމްޢިއްޔާތަކުގެ ޤާނޫނު ނަންބަރު  2022/3 ގެ ދަށުން ރަޖިސްޓަރީކޮށްގެން ހިންގާ މަދަނީ ޖަމްޢިއްޔާ/ޖަމާޢަތްތަކުން ރާއްޖޭގެ މުޖްތަމަޢު ބާރުވެރިކުރުމުގެގޮތުން ހިލޭސާބަހަށް ކުރާ މަސައްކަތްތައް ފާހަގަކޮށް، އެޖަމްޢިއްޔާތަކުގެ އަގުވަޒަން ކުރުމުގެގޮތުން ދިނުމަށް ކަނޑައެޅިފައިވާ އިނާމެކެވެ. މި އިނާމުގެ ސަބަބުން ޖަމްޢިއްޔާތަކުން ކުރާ މަސައްކަތްތައް ގައުމީ ފެންވަރުގައި ފާހަގަކުރެވޭނެއެވެ. އަދި މިއިނާމަކީ އިޖުތިމާޢީ ގޮތުން މުޖުތަމަޢު ބާރުވެރި ކުރުވުމަށް އަމިއްލައިސްނެގުމުގެ މަތީން، ތަފާތު ގޮތްގޮތުން އެ ޖަމްޢިއްޔާއެއް ނިސްބަތްވާ މުޖްތަމަޢުގެ ރައްޔިތުންގެ ދިރިއުޅުމުގެ ހާލަތު ކުރިއެރުވުމަށް ހިލޭސާބަހަށް މަސައްކަތް ކުރުމުގައި މަދަނީ ޖަމްޢިއްޔާތަކުގެ ތެރެއިން ނަމޫނާ ދައްކުވައިދޭ ފަދަ މަސައްކަތްތައް ކޮށްފައިވާ ޖަމްޢިއްޔާ ތަކަށް ދެވޭ އިނާމެކެވެ.     

      މަދަނީ ޖަމްޢިއްޔާތަކުގެ އިނާމް ލިބޭފަރާތްތަކަށް، ޖަމްޢިއްޔާތަކަށް ދެވޭ ޚާއްޞަ އެވޯޑާއި، ސެޓްފިކެޓް ހިމެނެއެވެ.   

      ވީމާ، "ސިވިލް ސޮސައިޓީ އެވޯޑް" އަށް ނަން ހުށަހެޅުމަށް ޝައުޤުވެރިވާ ޖަމްޢިއްޔާތަކުން، 10 ޖުލައި 2025 ވާ ބުރާސްފަތި ދުވަހުގެ 13:00ގެ ކުރިން މި މިނިސްޓްރީގެ ކައުންޓަރަށް (ސޯޝަލް ސެންޓަރ) އެޕްލިކޭޝަން ފޯމް ހުށަހެޅުއްވުމަށް ދަންނަވަމެވެ.  ނުވަތަ މި މިނިސްޓްރީގެ އީމެއިލް: 

 މެއިލް މެދުވެރިކޮށް ހުށަހެޅުއްވުމަށް ދެންނެވީމެވެ. 

       މަދަނީ ޖަމްޢިއްޔާތަކުގެ އިނާމަށް ކުރިމަތިލުމުގެ އެޕްލިކޭޝަން ފޯމް މިނިސްޓްރީގެ ވެބްސައިޓް 

 އިން ޑައުންލޯޑް ކުރެވެން ހުންނާނެއެވެ. އަދި މި އިޢުލާނާއެކު އެޓޭޗްކޮށްފައި މިވަނީއެވެ.

       މި އިނާމްތަކަށް ނަން ހުށަހެޅުމުގެ ފުރުޞަތު 27 މެއި 2025 ވަނަ ދުވަހުން ފެށިގެން ޢާއްމުކޮށް ވަނީ ހުޅުވާލެވިފައެވެ.

އުސޫލު

Usoolu

ފޯމް

Application Form

ސިވިލް ސޮސައިޓީ އެވޯޑް

Civil Society Award

         ގާނޫނު ނަންބަރު 2008/15 (މޯލްޑިވްސް މީޑިއާ ކައުންސިލްގެ ގާނޫނު) ގެ ދަށުން އެކުލަވާލާފައިވާ މޯލްޑިވްސް މީޑިއާ ކައުންސިލުގެ ބައި-އިލެކްޝަން އާ ބެހޭގޮތުން މިމިނިސްޓްރީން ކޮށްފައިވާ ނަންބަރ

(IUL)493-MR/493/2025/17(11 ފެބްރުއަރީ 2025) އިއުލާންއާއި ނަންބަރު:  (IUL)493-MR/493/2025/35  (10 މާޗް 2025) އިއުލާން އަދި ނަންބަރު  : (IUL)493-MR/493/2025/39 (13 މާޗް 2025) ގެ އިއުލާން އަށް ހަވާލާދީ ދަންނަވަމެވެ.

         މޯލްޑިވްސް މީޑިއާ ކައުންސިލުގެ އާންމު މެންބަރެއްގެ މަގާމާއި މީޑިއާތައް ތަމްޘީލްކުރާ 2 މެންބަރުންގެ މަގާމާއެކު ޖުމްލަ 3 މެންބަރުންގެ މަގާމު ހުސްވެފައިވާތީ، މި 3 މަގާމަށް 3 މެންބަރުން އިންތިޚާބުކުރުމަށްޓަކައި ބޭއްވުމަށް ހަމަޖެހިފައިވާ ބައި އިލެކްޝަނަށް މީޑިއާ ތަކުން ކުރިމަތިލި 4 ކެންޑިޑޭޓުންގެ ތެރެއިން 2 ކެންޑިޑޭޓެއްގެ ނަން ވަނީ އަނބުރައި ގެންދަވާފައެވެ. ވީމާ، މި 3 މަގާމުގެ ތެރެއިން މީޑިއާތަކުން އިންތިޚާބު ކުރަންޖެހޭ 2 މަގާމަށް 2 މެންބަރުން އިންތިޚާބުކުރުމަށްޓަކައި އިންތިޚާބަށް ކުރިމަތިލުމުގެ ފުރުސަތު އަލުން ހުޅުވާލަމެވެ.

         މެންބަރުކަމަށް ކުރިމަތިލާ ފަރާތްތަކުގެ ކިބާގައި ހުންނަންޖެހޭ ޝަރުތުތަކާއި އެނޫންވެސް މައުލޫމާތު މިކަމާބެހޭގޮތުން ކުރިން މިމިނިސްޓްރީން ކޮށްފައިވާ ނަންބަރު:  (IUL)493-MR/493/2025/17  (11 ފެބްރުއަރީ 2025) އިއުލާންގައިހިމެނިފައިވާނެއެވެ. މަތީގައިވާ 3 އިއުލާނާ ގުޅިގެން މެންބަރުކަމަށް ކުރިމަތިލުމަށް އެދި ފޯމާއި ލިޔުންތައް މީގެކުރިން ހުށަހަޅާފައިވާ ފަރާތްތަކުން އަލުން މެންބަރުކަމަށް އެދި ހުށަހަޅާކަށް ނުޖެހޭނެއެވެ.

         ވީމާ، މޯލްޑިވްސް މީޑިއާ ކައުންސިލުގެ، މި ތިން މަގާމަށް ވާދަކުރަން އެދޭ ފަރާތްތަކުން 27 މެއި 2025 ވާ އަންގާރަ ދުވަހުގެ 14:00 ގެ ކުރިން، މިމިނިސްޓްރީގެ ވެބްސައިޓްގައިވާ މީޑިއާ ކައުންސިލްގެ އިންތިޚާބުގައި މެންބަރުކަމަށް ކުރިމަތިލުމަށް އެދޭ ފޯމު" ފުރުއްވައި، އެފޯމާއެކު ހުށަހަޅަންޖެހޭ ތަކެތި، މިނިސްޓްރީ އޮފް ޔޫތު އެމްޕަވާމެންޓް، އިންފޮމޭޝަން އެންޑް އާޓްސް ގެ އީމެއިލް:  

 އަށް ހުށަހެޅުއްވުން އެދެމެވެ. ހުށަހަޅާ ހުރިހާ ލިޔުންތައްވެސް ހުންނަންޖެހޭނީ ޕީޑީއެފް ފޯމެޓަށެވެ. މެންބަރުކަމަށް ކުރިމަތިލުމަށް އެދޭ ފޯމު" އަދި "މައްސަލަ ސާފުކުރާ ފޯމު" މި އިއުލާން އާ އެއްކަރުދާސް ކުރެވިފައިވާނެއެވެ.

Massala saafu kuraa Form

މޯލްޑިވްސް މީޑިއާ ކައުންސިލްގެ ބައި އިލެކްޝަންގެ މީޑިއާތައް ތަމްޘީލްކުރާ މެންބަރުކަމަށް ކުރިމަތިލުމަށް ހުޅުވާލުން

 ގާނޫނު ނަންބަރު 2008/15 (މޯލްޑިވްސް މީޑިއާ ކައުންސިލުގެ ގާނޫނު) ގެ ދަށުން އެކުލަވާލާފައިވާ މޯލްޑިވްސް މީޑިއާ ކައުންސިލަށް، 3 (ތިނެއް) މެންބަރުން އިންތިޚާބު ކުރުމަށް 11 މެއި 2025 ގައި މިނިސްޓްރީން ކޮށްފައިވާ ނަންބަރު: (IUL)493-MR/493/2025/70 އިއުލާނާ ހަވާލާދީ ދަންނަވަމެވެ.

              މޯލްޑިވްސް މީޑިއާ ކައުންސިލް އިންތިޚާބުގައި ވޯޓުލުމަށް، ރަޖިސްޓްރީ ކުރެއްވި ފަރާތްތަކުގެ ދާއިމީ ލިސްޓް، މި އިއުލާން އާއެކު އެޓޭޗް ކުރެވިފައިވާނެ ވާހަކަ ދެންނެވީމެވެ.  

              ވީމާ، މިކަން އާންމުކޮށް އެންގުމަށްޓަކައި އިޢުލާންކުރީމެވެ.

ލިސްޓް

List

މޯލްޑިވްސް މީޑިއާ ކައުންސިލް 3 މެންބަރުން އިންތިޚާބު ކުރުމަށް ބާއްވާ ބައި-އިލެކްޝަންގައި ވޯޓުލުމަށް ރަޖިސްޓްރީކުރި ފަރާތްތަކުގެ ދާއިމީ ލިސްޓް

 ޤާނޫނު ނަންބަރު 2008/15 (މޯލްޑިވްސް މީޑިއާ ކައުންސިލުގެ ޤާނޫނު) ގެ ދަށުން އެކުލަވާލާފައިވާ މޯލްޑިވްސް މީޑިއާ ކައުންސިލަށް، 3 (ތިނެއް) މެންބަރުން އިންތިޚާބު ކުރުމަށް ބާއްވާ އިންތިޚާބު (ބައި އިލެކްޝަން) ގައި ވޯޓުލާ ފަރާތްތައް ރަޖިސްޓްރީވުމަށް 21 އެޕްރީލް 2025 ގައި ކޮށްފައިވާ ނަންބަރު : 55(IUL)493-MR/493/2025/ އިއުލާން އާ ހަވާލާދީ ދަންނަވަމެވެ. މި އިންތިޚާބުގައި ވޯޓުލާން ރަޖިސްޓްރީ ވުމުގެ މުއްދަތު ރަސްމީ ބަންދު ދުވަސްތައް ފިޔަވައި، 4 މެއި 2025 ވާ އާދީއްތަ ދުވަހުގެ 13:30 އަށް އިތުރު ކޮށްފީމެވެ.

       ރަޖިސްޓްރީވުމަށް ހުށަހަޅަންޖެހޭ ފޯމް، މި އިޢުލާނާއެކުގައި ވާނެއެވެ. މި ފޯމާއެކު އައިޑީ ކާޑުގެ ކޮޕީ ހުށަހަޅަން ޖެހޭނެއެވެ. މޯލްޑިވްސް މީޑިއާ ކައުންސިލް ގެ އިންތިޚާބުގައި ވޯޓުލުމަށް ރަޖިސްޓްރީ ކުރެވޭނީ ރަޖިސްޓްރީކޮށްފައިވާ ނޫސްތަކާއި ބްރޯޑްކާސްޓަރުންގެ މަސްއޫލުވެރިޔާއަށް ނުވަތަ މަސްއޫލުވެރިޔާ ތަމްޘީލް ކުރާ މީހަކަށެވެ. ވޯޓުލުމަށް ރަޖިސްޓްރީ ކުރާ ފަރާތްތަކަށް 1 (އެކެއް) މީޑީއާ އަށްވުރެ ގިނަ މީޑީއާ ތަމްސީލް ނުކުރެވޭނެއެވެ. ވޯޓުލުމަށް ރަޖިސްޓްރީ ކުރުމަށް އެދޭ ފޯމް ބަލައިގަންނާނީ، މަތީގައިވާ މުއްދަތުގައި ހިމެނޭ ރަސްމީ ބަންދު ދުވަސްތައް ފިޔަވައި، އެހެން ދުވަސްތަކުގެ ހެނދުނު 9:00 ން ފެށިގެން 13:30 އަށް މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސް (ސޯޝަލް ސެންޓަރ) ގެ ރިސެޕްޝަނުންނެވެ. މީގެއިތުރުން، މި މިނިސްޓްރީގެ އީމެއިލް 

 މެދުވެރިކޮށްވެސް ފޯމު ހުށަހެޅޭނެވެ. ހުށަހަޅާ ހުރިހާ ލިޔެކިއުމެއްވެސް ހުންނަންވާނީ ޕީ.ޑީ.އެފް ފޯމެޓްގައެވެ. އިތުރު މައުލޫމާތު ބޭނުންވާނަމަ މިމިނިސްޓްރީގެ ނަންބަރު : 4000419 އާ ގުޅުއްވުން އެދެމެވެ.

       ވީމާ، މިކަން ޢާއްމުކޮށް އެންގުމަށްޓަކައި އިޢުލާނު ކުރީމެވެ.                                                           

މޯލްޑިވްސް މީޑިއާ ކައުންސިލް އިންތިޚާބު (ބައިއިލެކްޝަން) ގައި ވޯޓުލުމަށް ރަޖިސްޓްރީވުމުގެ މުއްދަތު އިތުރުކުރުން

Voter Registration Extended for Maldives Media Council By-Election

މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސް އިން ބޭއްވި ޔޫތު ކޭމްޕު ކާމިޔާބުކަމާއެކު ނިންމާލައިފިއެވެ.

އެއް ދުވަހަށް ކުރިއަށް ގެންދިޔަ މި ކޭމްޕު ބާއްވާފައިވަނީ ކުޑަގިރީގައެވެ.

މި ކޭމްޕުގައި ޖުމްލަ 65 ޒުވާނުން ބައިވެރިވެފައިވާއިރު ކޭމްޕުގެ ބައިވެރިންނަށް ސެޓްފިކެޓް ވަނީ ހަވާލުކޮށްފައެވެ.

ކޭމްޕުގެ ބައިވެރިންނަށް ޓީމް ބިލްޑިންއާއި، ސެލްފް ޑިފެންސް އަދި ދިރިއުޅުމުގައި ބޭނުން ހިފޭނެ ތަފާތު ހުނަރުތައް ވަނީ ދަސްކޮށްދީފައެވެ.

މިދިޔަ އަހަރު ވެސް ޔޫތު މިނިސްޓްރީން ވަނީ ޔޫތު ކޭމްޕް ބާއްވާފައެވެ. އެފަހަރު ކޭމްޕު ބައްވާފައިވަނީ ފަރުކޮޅުފުށީގައެވެ.

ޔޫތު މިނިސްޓްރީއާއި ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)އާ ގުޅިގެން ކުރިއަށް ގެންދިޔަ އެ ކޭމްޕުގައި ޖުމްލަ 46 ޒުވާނުން ވަނީ ބައިވެރިވެފައެވެ.

"ޔޫތު ކޭމްޕު" ކާމިޔާބު ކަމާއެކު ނިންމާލައިފި

މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސް އިން  ކުރިއަށް ގެންދިޔަ "މަންސާ" ޕްރޮގްރާމް ކާމިޔާބު ކަމާއެކު ނިންމާލައިފިއެވެ.

މި ޕްރޮގްރާމަކީ ޒުވާނުންގެ ލީޑަރޝިޕް ހުނަރުތައް ތަރައްގީކޮށް، އަމިއްލަ އަގުތައް ވަރުގަދަކޮށް، އަދި އަމިއްލަ އަޑު އުފުލުމަށް ބާރުއެޅުމުގެ މަގްސަދުގައި ކުރިއަށް ގެންދިޔަ ޕްރޮގްރާމެކެވެ.

މިޕްރޮގްރާމް ކުރިޔަށްގެންގޮސްފައިވަނީ މެއި މަހުގެ 28 އަދި 29 ވަނަ ދުވަހު، ސޯޝަލް ސެންޓަރުގައެވެ.

މި ޕްރޮގްރާމުގައި އުމުރުން 16 އަހަރާއި 35 އަހަރާ ދެމެދުގެ ޒުވާނުން ވަނީ ބައިވެރިވެފައެވެ. އަދި ޕްރޮގްރާމް ފުރިހަމަކުރި ބައިވެރިންނަށް ވަނީ ސެޓްފިކެޓް ވެސް ހަވާލުކޮށްފައެވެ.

"މަންސާ" ޕްރޮގްރާމް ކާމިޔާބު ކަމާއެކު ނިންމާލައިފި

މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސް އިން ބާއްވާ ޔޫތު ކޭމްޕު ފަށައިފިއެވެ.

މި ކޭމްޕު މިފަހަރު ކުރިއަށް ގެންދަނީ ކުޑަގިރީގައެވެ.

އެެއް ދުވަހަށް ކުރިއަށް ގެންދާ މި ކޭމްޕުގައި ޖުމްލަ 65 ޒުވާނުން ވަނީ ބައިވެރިވެފައެވެ.

ތަފާތު ގިނަ ގޭމްތަކެއް ބީޗުގައި ކުޅުމަށް ރާވާފައިވާއިރު ކޭމްޕުގެ ބައިވެރިންނަށް ސެޓްފިކެޓް ދިނުމަށް ވެސް ވަނީ ހަމަޖެހިފައެވެ.

ޒުވާނުން

ބާރުވެރިކުރުވުން

މަޢުލޫމާތު

ފަންނު

ޒުވާނުން ބާރުވެރިކުރުވުމާއި، މަޢުލޫމާތާއި ފަންނާ ބެހޭ ވުޒާރާ