“އޮލިންޕިއަންސް ވިތު ޔޫތު”ގެ ޓިކެޓު ވިއްކަން ފަށައިފި

ލަވަކިޔުންތެރިންގެ ހުނަރުތައް ދައްކާލުމަށް ބާއްވާ “އޮލިންޕިއަންސް ވިތު ޔޫތު”ގެ ޓިކެޓު ވިއްކަން ފަށައިފިއެވެ.

މިމަހު 17 އިން 19 ވަނަ ދުވަހުގެ ނިޔަލަށް ބޭއްވުމަށް ހަމަޖެހިފައިވާ މި ޝޯގައި ލަވަކިޔުމަށް ހަމަޖެހިފައިވަނީ އިހުގެ ލަވަކިޔުންތެރިންނާއި މިހާރުގެ ލަވަ ކިޔުންތެރިންނެވެ.

މި ޝޯ ބޭއްވުމުގެ މަގުސަދަކީ ކުރީގެ ލަވަކިޔުންތެރިންނާއި މިހާރުގެ ލަވަކިޔުންތެރިން އެއް ޕްލެޓްޕޯމެއްގައި އާންމުންނަށް ހުށަހެޅުންތަކެއް ދައްކުވައި ދިނުމެވެ.

މީގެ އިތުރުން މީހާރުގެ ލަވަކިޔުންތެރިންގެ ހުނަރުތައް އިތުރަށް ތަރައްގީވެގެން ދިއުމަކީ ވެސް މި ޝޯ ބޭއްވުމުގެ މަގްސަދުގެ ތެރޭގައި ހިމެނޭ ކަމެކެވެ.

ޒަމާނުންސުރެ ވަރަށް ފޯރިއާއެކު ކުރިއަށްގެންދިޔަ މި ޝޯ އެންމެ ފަހުން ބާއްވާފައިވަނީ 2017 ވަނަ އަހަރުއެވެ.

އަހަރު ތަކަކަށްފަހު މި ޝޯ އޮލޮމްޕަހުގެ ސްޓޭޖުގައި ބޭއްވުމަށް ތައްޔާރުވަމުންދާއިރު ޝޯގެ ޓިކެޓު ނެގުމަށް 7906246އަށް ގުޅެލުމުން ޓިކެޓު ހަމަޖެހިގެންދާނެއެވެ.