ތ. ގުރައިދޫގައި ބޭއްވި ހޭލުންތެރިކުރުމުގެ ޕްރޮގުރާމް ނިންމި ބައިވެރިންނަށް ސެޓްފިކެޓް ހަވާލުކޮށްފި

އިޖުތިމާއީ ގޮތުން މުޖުތަމައު ބާރުވެރި ކުރުވުމުގެ ގޮތުން ޔޫތު މިނިސްޓްރީން ތ. ގުރައިދޫގައި ބޭއްވި ހޭލުންތެރިކުރުމުގެ ޕްރޮގުރާމް ނިންމި ބައިވެރިންނަށް ސެޓްފިކެޓް ހަވާލުކޮށްފިއެވެ.

މި ޕްރޮގުރާމުގައި 33 މީހަކު ބައިވެރިވެފައިވާއިރު އޭގެ ތެރޭގައި 22 އަންހެނުންނާއި 11 ފިރިހެނުން ހިމެނެއެވެ.

މި މަހު 17 އިން 19އަށް ކުރިއަށްގެންދިޔަ މި ވޯކްޝޮޕަކީ ގުރައިދޫގެ މަދަނީ ޖަމްއިއްޔާތަކާއި، ކައުންސިލް، ޑަބްލިޔުޑީސީ އަދި އެކިއެކި މުއައްސަސާތަކަށް އަމާޒުކޮށް ހިންގި ވޯކްޝޮޕެކެވެ.

މިވޯކްޝޮޕް ކުރިއަށްގެންގޮސްފައިވަނީ އެސޯސިއޭޝަން ފޯރ ލޭޑީ އެންޓަޕްރިނިއަރސް އާއި ތ.ގުރައިދޫ ކައުންސިލާއި މޯލްޑިވްސް ޕޮލިސް ސާރވިސްއާއި އޭޝިޔާ ފައުންޑޭޝަނާއި ގުޅިގެންނެވެ.

މި ވޯކްޝޮޕްގައި ކުރިއަށްގެންދިޔަ ސެޝަންތަކުގެ ތެރޭގައި މަދަނީ ޖަމްއިއްޔާތަކުގެ ގާނޫނާއި ގަވާއިދަށް އަހުލުވެރި ކުރުވުމުގެ ސެޝަންގެ އިތުރުން ލައިފް ކޯޗިންގ އާއި، ޓީމް ބިލްޑިންގ އިވެންޓްތަކެއް ހިމެނެއެވެ.