އިޖުތިމާއީ ގޮތުން މުޖުތަމައު ބާރުވެރިކުރުމުގެ ގޮތުން ތ. ގުރައިދޫގައި ވޯކްޝޮޕެއް ފަށައިފި

އިޖުތިމާއީ ގޮތުން މުޖުތަމައު ބާރުވެރި ކުރުމުވުމުގެ ގޮތުން ޔޫތު މިނިސްޓްރީން ތ. ގުރައިދޫގައި ވޯކްޝޮޕެއް ފަށައިފިއެވެ.

މި މަހު 17 އިން 19އަށް ކުރިއަށްގެންދާ މި ވޯކްޝޮޕަކީ ގުރައިދޫގެ މަދަނީ ޖަމްއިއްޔާތަކާއި، ކައުންސިލް، ޑަބްލިޔުޑީސީ އަދި އެކިއެކި މުއައްސަސާތަކަށް އަމާޒުކޮށް ފެށި ވޯކްޝޮޕެކެވެ.

މިވޯކްޝޮޕް ކުރިއަށް ގެންދަނީ އެސޯސިއޭޝަން ފޯރ ލޭޑީ އެންޓަޕްރިނިއަރސް އާއި ތ.ގުރައިދޫ ކައުންސިލާއި މޯލްޑިވްސް ޕޮލިސް ސާރވިސްއާއި އޭޝިޔާ ފައުންޑޭޝަނާއި ގުޅިގެންނެވެ.

މި ވޯކްޝޮޕްގައި ކުރިއަށް ގެންދެވޭ ސެޝަންތަކުގެ ތެރޭގައި މަދަނީ ޖަމްއިއްޔާތަކުގެ ޤާނޫނާއި ޤަވާޢިދަށް އަހުލުވެރި ކުރުވުމުގެ ސެޝަންގެ އިތުރުން ލައިފް ކޯޗިންގ އާއި، ޓީމް ބިލްޑިންގ އިވެންޓްތަކެއް ކުރިއަށް ގެންދިއުމަށްވަނީ ހަމަޖެހިފައެވެ.