"ހަފްތާ ރެސް" ކ. އަތޮޅުގައި ފަށައިގެން ކުރިއަށް!

މިނިސްޓްރީ އޮފް ޔޫތް އެމްޕަވަރމެންޓް، އިންފޮމޭޝަން އެންޑް އާޓްސް އާއި ނޭޝަނަލް ކައުންޓަރ ޓެރަރިޒަމް ސެންޓަރާ ގުޅިގެން ކުރިއަށްގެންދާ "ހަފްތާރެސް" ޕްރޮގްރާމް ކ އަތޮޅުގައި ފަށައިފިއެވެ.

ކ އަތޮޅުގެ ހުރިހާ ރަށަކުން ވެސް މި ޕްރޮގްރާމުގައި ބައިވެރިވެފައިވެއެވެ. މި ޕްރޮގުރާމުގެ ތެރެއިން ޒުވާނުންނަށާއި އަދި ބެލެނިވެރިންނަށް ހާއްސަކޮށް ވެސް ސެޝަންތައް ދަނީ ކުރިއަށް ގެންދަމުންނެވެ.

މި ޕްރޮގްރާމަކީ މި މިނިސްޓްރީ އާއި އެން.ސީ.ޓީ.ސީ ގުޅިގެން މިއަހަރު ހިންގާ  " ހަފުތާރެސް" ގެ ދެވަނަ ޕްރޮގްރާމެވެ.

މިދިޔަ އަހަރު "ހަފްތާ ރެސް"ގެ ތިން ޕްރޮގުރާމެއް ވަނީ ބާއްވާފައެވެ.

މިގޮތުން މިދިޔަ އަހަރުގެ ފުރަތަމަ ޕްރޮގްރާމް ބާއްވާފައިވަނީ އައްޑޫ ސިޓީގައެވެ. ދެވަނަ ޕްރޮގުރާމު ބާއްވާފައިވަނީ ހދ އަތޮޅުގައެވެ. އަދި ތިން ވަނަ ޕްރޮގުރާމު ބާއްވާފައިވަނީ ގދގައެވެ.