"ބެލެނިވެރިންގެ ހޮޅުއަށި" މާދަމާ ރޭ!

"ބެލެނިވެރިންގެ ހޮޅުއަށި"ގެ ނަމުގައި ހާއްސަ ސެޝަނެއް މާދަމާ ރޭ ބޭއްވުމަށް ނިންމައިފިއެވެ.

މި ސެޝަންގައި ކުދިން ބާރުވެރިކުރުމުގައި މައިންބަފައިންގެ ދައުރާ ގުޅޭގޮތުން ބެލެނިވެރިންނަށް މައުލޫމާތު ދޭނެއެވެ. އަދި ކުދިން ބާރުވެރިކުރުމަށް މައިންބަފައިންނަށް ގެންގުޅެވިދާނެ ރަނގަޅުގޮތްތަކާ ބެހޭގޮތުން ވެސް މި ސެޝަންގައި މައުލޫމާތު ދޭނެއެވެ.

މި ސެޝަން ކުރިއަށް ގެންދިއުމަށް ހަމަޖެހިފައިވަނީ މާދަމާ ރޭ 20:00 އިން 21:30 އަށް އިސްރަށްވެހިންގެ ނާދީގައެވެ.

"ބެލެނިވެރިންގެ ހޮޅުއަށި"އަކީ ބެލެނިވެރިންނަށް މުހިންމު ތަފާތު މައުޟޫއުތަކާ ބެހޭގޮތުން މަޝްވަރާކުރުމުގެ މަގްސަދުގައި ބާއްވާ ސެޝަންތަކެކެވެ.

މިސެޝަންގައި ބައިވެރިވުމަށް ނަމާއި ފޯނު ނަމްބަރު 7925704 އަށް މެސެޖު ކޮށްލާށެވެ.