"ސިންކްރޮނީ: ޓޫ ނޭޝަންސް، ވަން އެކްސްޕްރެޝަން" އިވެންޓުގައި ޔޫތު މިނިސްޓަރ ބައިވެރިވެވަޑައިގެންފި

"ސިންކްރޮނީ: ޓޫ ނޭޝަންސް، ވަން އެކްސްޕްރެޝަން" ގެ ނަމުގައި ބޭއްވި ހާއްސަ އިވެންޓުގައި އިވެންޓުގައި ޒުވާނުން ބާރުވެރިކުރުވުމާއި މައުލޫމާތާއި ފަންނާ ބެހޭ ވަޒީރު އިބްރާހިމް ވަހީދު ބައިވެރިވެ ވަޑައިގެންފިއެވެ.

މި އިވެންޓަކީ އިންޑިއާގެ 79 ވަނަ މިނިވަން ދުވަސް ފާހަގަކުރުމުގެ ގޮތުން، އިންޑިއާ އާއި ދިވެހިރާއްޖޭގެ ދެމެދުގައިވާ ދިގުދެމިފައިވާ ރަޙްމަތްތެރިކަމާއި ސަގާފީ ގުޅުންތައް ފާހަގަކުރުމަށް އިންތިޒާމު ކުރި އިވެންޓެކެވެ.

މިދިޔަ ހޮނިހިރު ދުވަހުގެ ހަވީރު އޮލިމްޕަހުގައި ބޭއްވި މި އިވެންޓު ޝަރަފުވެރިކޮށްދެއްވީ ޔޫތު މިނިސްޓަރ އިބްރާހިމް ވަހީދެވެ.

މި އިވެންޓު އިންތިޒާމު ކޮށްފައިވަނީ އިންޑިއަން ކަލްޗަރަލް ސެންޓަރ އާއި ޓޫ އޮފް އަސް އަދި ބިދާބިން އިވެންޓްސް އާ ގުޅިގެންނެވެ.

ދިވެހިރާއްޖޭގައި ހުންނަ އިންޑިއާ ހައިކޮމިޝަނުން މި ހަފްލާ ބާއްވާފައިވަނީ އިންޑިއާގެ 79 ވަނަ މިނިވަން ދުވަހުގެ މުނާސަބަތުގައި ދެ ޤައުމުގެ ގުޅުންތައް އިތުރަށް ބަދަހިކުރުމުގެ މަގްސަދުގައެވެ.